विराटनगर, साउन २७ गते । पछिल्लो २४ घण्टामा विराटनगरमा ८ जना सञ्चारकर्मीमा कोरोना संक्रमित भएको छ ।
स्थानीय एक दैनिक पत्रिकामा कार्यरत ५ जना पत्रकार, राजधानी काठमाडौबाट प्रकाशित पत्रिकाका एक स्थानीय संवाददातामा कोरोना संक्रमण पुष्टि भएको नेपाल पत्रकार महासंघ प्रदेश १ का अध्यक्ष विक्रम लुईटेलले जानकारी दिएका छन ।
त्यसैगरी स्थानीय दैनिक पत्रिकामा कार्यरत एक/एकजना कम्प्युटर अपरेटर र मार्केटर समेत संक्रमित भएको छ । गत साउन २३ गते स्बाव संकलन भएको पीसीआर परीक्षणको सोमवार सांझ आएको रिपोर्टमा उनीहरुमा कोरोना संक्रमण पोजेटिभ देखिएको हो । हुनत साउन २४ र २५ गते स्वाब संकलन गरिएका साथीहरुको रिपोर्ट आउन बाँकी रहेको उनले बताए ।
संक्रमित भएकाहरुमा कोभिड–१९ को लक्षण नरहेपनि उनीहरु हाल होम आइसोलेशनमा रहेको अध्यक्ष लुइटेलले बताए । लुइटेलले आफ्नै घरमा रहेका स्थानीय सञ्चारकर्मीलाई भन्दा डेरामा बस्नेहरुलाई बढि समस्या परेको बताए ।
डेरामा बस्ने संचारकर्मीहरुलाई आइसोलेसनमा व्यवस्था मिलाउन विभिन्न निकायहरुलाई आग्रह गरेपनि सम्बन्धित निकायले कुनै वास्ता नगरेको उनले गुनासो गरेका छन । उनले भने सोमवार राति देखि स्थानीय तह प्रमुख, स्थानीय प्रशासन र प्रदेश सरकारलाई समेत कोरोना उपचारको आइसोलेशनमा व्यवस्था मिलाई आग्रह गर्दै आएपनि उनीहरु बेवास्ता गर्दै आएको छ ।
सोमबार बेलुकासम्मको तथ्यांक अनुसार मोरङ जिल्लामा ३ सय ३४ सक्रिय संक्रमित छन् । त्यहाँका ल्याबको क्षमताभन्दा बढि स्वाब संकलन भएको हुँदा समयमा रिपोर्ट दिन नसकेको स्वास्थ्य अधिकारीहरुको भनाई छ ।
यो विषयमा आफ्नो प्रतिक्रिया दिनुहोस् !