जनकपुरधाम, साउन २७ गते । आचरण विरुद्ध काम गर्ने प्रदेश २ का २ सय ७५ जना प्रहरी कारवाहीमा परेका छन ।
आचरणविपरीत काम गरेको भन्दै प्रदेश २ मा विभिन्न तहका २ सय ७५ जना प्रहरी कर्मचारीलाई विभागीय कारबाही गरिएको छ प्रदेश प्रहरी कार्यालय जनकपुरले जनाएको छ ।
गएको आर्थिक वर्ष २०७६/०७७ मा प्रदेशका विभिन्न कार्यालयमा कार्यरत रहेका प्रहरी मध्ये आचरण विरुद्ध काम गरेका २ सय ७५ जनालाई कारवाही गरिएको भन्ने कुरा प्रदेश प्रहरी कार्यालय जनकपुरका प्रमुख प्रहरी नायव महानिरीक्षक (डिआईजी) धिरज प्रताप सिंहले बताए ।
प्रहरीको नैतिक आचरणको विपरीत काम गरेका, आर्थिक प्रलोभनमा तरस्करहरुलाई सघाएका, मादक पदार्थ सेवन गरेर डयुटी गरेका, संगठनप्रति जिम्मेवार नहुनु र कर्तव्य पूरा नगर्नु लगायत अमर्यादित क्रियाकलाप गरेको प्रहरी कर्मचारीलाई कारवाही गरिएको प्रदेश प्रहरी प्रमुख डिआईजी सिंहले बताए । उनले भने, प्रहरीको आचरण विरुद्ध काम गरेका कर्मचारीहरुलाई कारवाही गरेका छौ भने राम्रो काम गरेका प्रहरीहरुलाई प्रोत्साहित समेत गरिएको छ । राम्रो काम गर्ने ९ सय ८५ जना जना प्रहरी कर्मचारीलाई पुरस्कृत गरिएको उनले जनाए ।
प्रदेश प्रहरीको तथ्यांक अनुसार सबैभन्दा बढी सिरहा प्रहरी कार्यालयमा कार्यरत प्रहरी कारवाहीमा परेका हु । सिरहामा ५६ जना प्रहरी कर्मचारी कारवाहीमा परेका छन् ।
त्यस्तै पर्सामा ३५, धनुषा र रौतहटमा ३०/३०, सप्तरीमा २६, सर्लाहीमा २१, बारामा १५, महोत्तरीमा १३, प्रदेश प्रहरी तालिम केन्द्र जनकपुरमा ८, प्रदेश ट्राफिक प्रहरी कार्यालय पथलैया बारामा ७, प्रदेश सशस्त्र प्रदेश प्रहरी गण जनकपुरका ६ तथा कार्यरत २८ जना प्रहरी प्रहरी कार्यवाहीमा परेका छन ।
पुरस्कृत मध्ये सबैभन्दा बढी रौतहटमा १ सय ५७ जना रहेका छ भने सिरहामा १ सय २३, पर्सामा १ सय ४१, धनुषामा १ सय २३, प्रदेश प्रहरी कार्यालयमा ५७ जना, सप्तरीमा ३०, सर्लाहीमा १३५, बारामा १ सय ५, महोत्तरीमा ६८, प्रदेश प्रहरी तालिम केन्द्रमा ७, प्रदेश ट्राफिक प्रहरी कार्यालय पथलैया बारामा २४, प्रदेश सशस्त्र प्रदेश प्रहरी गण जनकपुरका २५ जनालाई पुरस्कृत गरिएको प्रदेश प्रहरी कार्यालयले जनाएको छ ।
प्रदेश २ मा विगतभन्दा अहिले विभागीय कारबाहीमा पर्नेको संख्या कमी आएको छ । आर्थिक वर्ष २०७५/०७६ मा २ सय ८० जना प्रहरी कर्मचारीलाई कारवाही गरिएको थियो ।
यो विषयमा आफ्नो प्रतिक्रिया दिनुहोस् !