जनकपुरधाम, साउन २५ गते । कोरोना भाइरसको संक्रमण समुदायस्तरमा तीब्र रुपमा फैलिंदै गएको दृष्टिगत गर्दै प्रदेश २ को अस्थायी राजधानी जनकपुरधाममा पुनः निषेधाज्ञा थप गरिएको छ ।
धनुषाको सदरमुकाम समेत रहेका जनकपुरधाममा पुनः एक साताको लागि निषेधाज्ञा थप गरिएको छ । गत साउन १९ गतेदेखि जारी गरिएको निषेधाज्ञाको समयावधि आइतवार सकिएपछि जिल्ला प्रशासन कार्यालय धनुषाले साउन २५ गते राति १२ बजेदेखि साउन ३२ गतेसम्मका थप गरेको छ ।
जिल्ला सुरक्षा समितिको आइतबार बसेको बैकठले एकसाता थप्ने निर्णय गरेको हो । पुर्वमा जनकपुरधामको कपिलेश्वर बस पार्क, उत्तरमा क्षिरेश्वरनाथ नगरपालिकाको जनकपुर ढल्केबर सडक खण्डमा पर्ने औरही खोलाको पुल, पश्चिममा कुर्था जाने बाटो र बसबिट्टी जानेबाटोको दुधमती नदिको पुल, दक्षिमा बनौली मोड, बसहिया रोडको सोनासति मन्दिर, प्रदेशसभा जाने मोड बिच लगायतको क्षेत्र भित्र निषेधाज्ञा गरिएको हो ।
निषेधाज्ञा अवधिमा बैंक तथा वितीय संस्थाहरु सिफ्ट बमोजिम खोल्ने, यात्रु निवासलाई क्वारेन्टाइन बनाउने, आइशोलेशन अझै थप्ने गर्ने लगायतको निर्णय समेत औषधि पसल बाहेक खाद्यान्न, फलफूल तथा तरकारी पसल सहितको अत्यावश्यक सामाग्रीको पसल बिहान १० बजेसम्म मात्र खोल्न पाइनेछ ।
बैंक तथा वित्तिय संस्थाले बिहान ८ बजेदेखि १२ बजेसम्म निजी क्षेत्रको र दिउंसो २ बजेदेखि ५ बजेसम्म दुई सिफ्टमा गर्नेछ भने सामाजिक सुरक्षा भत्ता सम्बन्धी काम शुक्रवार एक दिन मात्र गर्न पाउने निर्णय गरिएको छ ।
यो विषयमा आफ्नो प्रतिक्रिया दिनुहोस् !