लहान, साउन २४ गते । कोरोना रोकथाम एवं नियन्त्रणको नाममा सिरहा जिल्लाका मात्र १२ स्थानीय तहले १९ करोड भन्दा बढी रकम खर्चेका छन ।
कोरोना संक्रमण रोकथाम एवं नियन्त्रणको नाउमा ब्यापक अनियमितता भएको आलोचना हुन थालेपछि जिल्ला बिपद् ब्यबस्थापन समितिको पहलमा १७ मध्ये १२ वटा स्थानीय तहले खर्च सार्वजनिक गरेको हो ।
समितिको बैठकमा स्थानीय तहहरुले १९ करोड २१ लाख ४१ हजार ४० रुपैया खर्च सहितको १२ वटा स्थानीय तहले खर्च सार्वजनिक गरेको हो । त्यस्तै स्वास्थ्य कार्यालय र जिल्ला अस्पतालले समेत खर्च सार्वजनिक गरेको छ । उनीहरुले एक करोड ६९ लाख ५ हजार ९ सय ९५ रुपैया खर्च गरेका हुन ।
समितिले तीन दिनभित्र खर्च बिबरण सार्बजनिक गर्न भने भनेकोमा कल्याणपुर नगरपालिका, सुखिपुर नगरपालिका, सखुवानन्कारकट्टि गाउँपालिका, भगबानपुर गाउँपालिका र नबराजपुर गाउँपालिका सहितका ५ स्थानीय तहले अझै खर्च विवरण सार्वजनिक गरेको छैन ।
सार्वजनिक गरिएको खर्च बिबरण अनुसार सबभन्दा बढी सिरहा नगरपालिकाले ५ करोड ९० लाख ८६ हजार ४३० रुपैया खर्च गरेका छन् भने सबैभन्दा कम अर्नामा गाउँपालिकाले ३९ लाख ५९ हजार १०३ रुपैयाँ खर्च गरेका छन् ।
गोलबजार नगरपालिकाले १ करोड ६० लाख ८५ हजार ५३ रुपैयाँ, कर्जन्हा नगरपालिकाले १ करोड ४८ लाख १५ हजार ८१६ रुपैयाँ, धनगढीमाइ नगरपालिकाले ५५ लाख ९४ हजार ६३३ रुपैया, बिष्णुपुर गाउँपालिकाले ८८ लाख ६१ हजार ७१० रुपैया र लहान नगरपालिकाले १ करोड ९८ लाख ४० हजार ७८ रुपैया खर्चेका छन् ।
बरियारपट्टि गाउँपालिकाले १ करोड ५७ लाख २३ हजार ७६७ रुपैया, नरहा गाउँपालिकाले ७३ लाख ५९ हजार २४९ रुपैया, लक्षमिपुर पतारी गाउँपालिकाले ६९ लाख ६५ हजार ६९५ रुपैया, मिर्चैया नगरपालिकाले १ करोड ७२ लाख ८१ हजार ७७ रुपैयाँ र औरहि गाउँपलिकाले २ करोड २० लाख ८० हजार ९३० रुपैया खर्च विवरण सार्वजनिक गरेका छन् ।
ती पालिकाहरुले यतिको ठूलो रकमको खर्च विवरण खर्च सार्वजनिक गरेपनि स्थानीयलाई राहत मात्र एक पटक वितरण गरेका हुन । यिनीहरुले कोभिड १९ रोकथाम तथा नियन्त्रण, क्वारेन्टाईन व्यस्थापन, राहत वितरण, स्वास्थ्यकर्मी भत्ता, सुरक्षाकर्मी र कर्मचारी भत्तामा खर्च रकम देखाएको छ ।
जसमध्ये सबैभन्दा बढी रकम खर्च गरेका सिरहा नगरपालिकाले कोभिड १९ रोकथाम एवं नियन्त्रण बाहेक अरु कुनै शिर्षकमा रकम खर्च गरेको छैन । सार्वजनिक विवरण अनुसार लक्ष्मीपुरपतारी, मिर्चैया, सिरहा र औरहीले क्वारेन्टाईन व्यवस्थापनमा रकमै खर्च गरेको छैन । लक्ष्मीपुरपतारी, सिरहा र औरहीले राहत वितरण पनि गरेको छैन ।
त्यस्तै जिल्ला स्वास्थ्य कार्यालय सिरहाले ३० लाख ८६ हजार २८८ रुपैया र जिल्ला अस्पताल कार्यालय सिरहाले १ करोड ३८ लाख ५९ हजार ७०७ रुपैयाँ खर्च गरेको छ ।
यो विषयमा आफ्नो प्रतिक्रिया दिनुहोस् !