जनकपुरधाम, साउन २३ गते । भदौ १ गतेदेखि हुने आन्तरिक हवाई उडानको भाडा दर बुद्ध एअरले सार्वजनिक गरेको छ ।
बुद्ध एयरले जनकपुर सहित ७ मुख्य सहरको एकतर्फी सुरुवाती भाडादर सार्वजनिक गरेको हो । कम्पनीले धनगढी, विराटनगर, भैरहवा, नेपालगञ्ज, पोखरा, भद्रपुर र जनकपुरको भाडादर सार्वजनिक गरेको प्रेस विज्ञप्ति मार्फत जनाएको छ ।
विज्ञप्ति अनुसार जनकपुरका लािग २७ सय तोकेको छ भने धनगढीका लागि सुरुवाती एकतर्फी भाडादर ५४ सय, विराटनगरका लागि ३ हजार, भैरहवाका लागि २७ सय, नेपागञ्जका लागि ४२ सय, पोखराका लागि १९ सय र भद्रपुरका लागि ३४ सय तोकेको छ ।
त्यसका लागि (कोभिड(१९) विरुद्ध आफ्नै सुरक्षा निर्देशिका समेत बनाएर पूर्वाभ्यास समेत गरिरहेको छ जनाउंदै हरेक उडान अगाडी जहाज, ब्यागेज ट्रली, कार्यस्थलको संक्रमणरहित सरसफाइ, कर्मचारीहरुलाई सुरक्षा तालिम, तथा पिपिई प्रदान गरिसकेको विज्ञप्तिमा भनेको छ ।
साथै कम्पनीले संक्रमण रहित हवाई यात्राका लागि प्रतिबद्धता जनाउंदै त्यसका लागि हरेक यात्रुको कोभिडसँग मिल्दोजुल्दो पहिचान, दोहरो तापक्रम चेकजाँच, ह्याण्ड सेनिटाइज तथा फेशशिल्डको प्रयोग अनिवार्य बनाइएको र यही आधारमा विदेशमा आन्तरिक तथा अन्तरराष्ट्रिय उडान भइरहेको जनाएको छ ।
बुद्ध एयरले हाल आन्तरिक वायु सेवालाई बन्द गरिएको कारण सर्वसाधारणलाई एक घण्टामै गरिने यात्रा दशौं हजार रुपैया तिरेर तरकारी भ्यान, एम्बुलेन्स, ट्रक र बसमा कोचिएर केही दिन लगाएर यात्रा गर्नु परिरहेकोले यस्ता यात्रुहरुलाई राज्यले यात्राबाट वंचित गराउनु भनेको मौलिक हकको हनन रहेको दाबी गर्दै चेकजाँचको दायरा बढाउन मांग गरेका छन ।
यो विषयमा आफ्नो प्रतिक्रिया दिनुहोस् !