जनकपुरधाम, साउन २० गते । भारतको अयोध्या स्थित भगवान रामको निर्माण हुने मन्दिरको भूमि पूजनमा सहभागी जनकपुरधामबाट जानकी मन्दिरका महन्थ रामतपेश्वर दास वैष्णव प्रस्थान गरेका छन ।
जगतजननी माता सीताको माइती पक्षबाट राजा जनकको रुपमा सहभागी हुन महन्थ दास श्री रामजन्ममूमि तिर्थ ट्रष्टको निमन्त्रणमा जनकपुरधामबाट गएका हुन । राम मन्दिर निर्माणको लागि गरिने भूमि पूजन कार्यक्रममा आमन्त्रित १ सय ७५ प्रतिष्ठित पाहुनाहरू मध्ये महन्थ दास पनि एक हुन ।
महन्थ दासले सो मन्दिर निर्माणमा सीताको माइतीको तर्फ ५ वटा चाँदीको ईट्टा र माटो सहित प्रधानमन्त्री नरेन्द्र मोदी तथा उत्तर प्रदेशका मुख्यमन्त्री योगी आदित्यनाथको सम्मान पत्र लिएर गएका छन । महन्थ संगै उनका दूई÷तीन जना कर्मचारी समेत संगै गएका छन ।
कोरोना भाइरसको महामारीको कारण भारत बिहारमा जारी लकडाउनका कारण महन्थ दासलाई भारतीय एसएसबी प्रहरीले उनले लगेको गाडी भारतमा प्रवेश गर्न दिएन । महन्थ दासलाई केही बेरसम्म भारतीय प्रहरीले सीमामै रोकेर राखेको थियो पछि भारतीय प्रशासनले पास दिएपछि नेपाली नम्बर प्लेटको गाडी छाडेर त्यहींबाट भाडामा अर्को गाडी लिएर अयोध्यातर्फ गएको उत्तराधिकारी महन्थ रोशन दासले बताएका छन ।
यसैबीच उत्तराधिकारी महन्थ रोशनले माता सीताको ससुरालमा वर्षौपछि उनको घर निर्माण भइरहेको खुशयालीको रुपमा भूमिपूजनका दिन भोली मंगलवार जनकपुर सहित मिथिलाभरि दिपावली मनाउन आग्रह गरेको छन ।
ट्रस्टका महासचिव चंपत रायले पत्रकारहरुलाई आमन्त्रित सूचीमा भाजपाका वरिष्ठ नेता लालकृष्ण् आडवाणी र मुरली मनोहर जोशीबाहेक वरिष्ठ अधिवक्ता के.के. यो परसरन र अन्य प्रतिष्ठित व्यक्तिहरूसँग निजी रूपमा छलफल गरेर विशिष्ट व्यक्तिहरुलाई आमन्त्रित गरिएको हो ।
आमन्त्रित १ सय ७५ प्रतिष्ठित पाहुना मध्ये १ सय ३५ सन्तहरू हुन् जो विभिन्न आध्यात्मिक परम्परासँग सम्बन्धित रहेको र ती सबै उपस्थित हुने उनले जानकारी दिए ।
यो विषयमा आफ्नो प्रतिक्रिया दिनुहोस् !