काठमाडौ, असार २६ गते । नेपालबारे तथ्यहिन र आपत्तिजनक सामग्रीहरु प्रसारण गर्ने भारतीय सञ्चार माध्यमहरुलाई कारवाही गर्न प्रेस काउन्सिल नेपालले प्रेस काउन्सिल भारतलाई पत्र लेखेका छन ।
नेपाल सरकारले लिम्पियाधुरा आफ्नो नक्सामा समेट्ने निर्णय गरेदेखि नै भारतीय सञ्चारमाध्यमहरुले निरन्तररुपमा नेपाल सरकार र प्रधानमन्त्री केपी शर्मा ओलीबिरुद्ध आपत्तिजनक र घृणा फैलाउने सामग्री प्रकासन तथा प्रसारण गरिरहेको भनी प्रेस काउन्सिल नेपालले भारतको समकक्षी संस्थासँग त्यस्ता गतिबिधि रोक्न आग्रह गरेको छ ।
प्रेस काउन्सिल नेपालका अध्यक्ष किशोर श्रेष्ठले प्रेस काउन्सिल भारतका अध्यक्ष चन्द्रमौली कुमार प्रसादलाई पत्र लेखी भारतको जी न्यूजले नेपालका प्रधानमन्त्री ओली र नेपालका लागि चिनियाँ राजदूत हउ यान्छीबीच सम्बन्ध रहेको भनी काल्पनिक सामग्री प्रसारण गरेकोमा आपत्ति जनाउंदै आवश्यक कदम चाल्न भनेको छ ।
पत्रमा भारतीय सञ्चार माध्यमहरुले नेपालप्रति गरिरहेको द्ववैस र घृणात्मक समाचारहरुका कारण नेपाल र भारत सरकार तथा दुवैतर्फका जनताबीच द्विपक्षीय तनाव बढाएको भनिएको छ ।
‘भारतीय टेलिभिजन च्यानलहरुले नेपालको अक्षुण्यतामाथि प्रहार गर्ने यस्ता थुप्रै आधारहिन समाचारहरु उत्पादन तथा प्रसारण गरिरहेको उल्लेख गर्दै सम्बन्धित मिडिया संस्थालाई कारवाहीको पहल गर्न वा उनीहरुलाई मिडियाको पेशागत धर्म पालना गर्ने जिम्मेवारी स्मरण गराउन संवाद गर्न मांग समेत गरेको छ ।
यो विषयमा आफ्नो प्रतिक्रिया दिनुहोस् !