जनकपुरधाम, असार १७ गते । धनुषामा मोटरसाइकल दुर्घटनामा परी दुईजनाको मृत्यु भएको छ ।
बुधवार दिउँसो जनकपुर–ढल्केवर सढकखण्ड अन्तर्गत जनकपुरतर्फ आउँदै गरेको ज ३ प ७०४२ नम्बरको गाडी क्षिरेश्वरनाथ नगरपालिका–४ स्थित हरैयामा अनियन्त्रित भइ पिलरमा ठोक्किएर दुर्घटना हुँदा उनीहरुको मृत्यु भएको प्रहरीले जनाएको छ ।
मृत्यु हुनेमा जनकपुरधाम उपमहानगरपालिका–२० देवपुराका २६ वर्षीय विजय कुमार शर्मा र नाम नखुलेको अन्दाजी ३५ वर्षीय महिला रहेको जिल्ला ट्राफिक प्रहरी कार्यालय धनुषाले जनाएको छ ।
प्रहरीका अनुसार तिव्रगतिमा मोटरसाइकल रहेको कारण अनियन्त्रित भई पिलरमा ठोकिएर दुर्घटना हुन गएको हो । दुर्घटनामा गम्भीर घाइते भएका विजयको अस्पताल ल्याउने क्रममा बाटोमै मृत्यु भएको र महिलाको उपचारको क्रममा प्रादेशिक अस्पतालमा मृत्यु भएको ट्राफिक प्रहरीले बताए ।
मृतक दुबैको शव पोष्टमार्टमका लागि प्रादेशिक अस्पताल जनकपुरमा ल्याइएको छ ।
यो विषयमा आफ्नो प्रतिक्रिया दिनुहोस् !