जनकपुरधाम, असार ७ गते । चालु आर्थिक वर्ष ०७६/७७ सकिन लाग्दा महोत्तरीको विभिन्न स्थानमा सामुदायिक वन फडानी गरी सडक निर्माण गर्न लागिएको छ ।
पछिल्लोपटक बर्दिवास नगरपालिका क्षेत्रमा सघन वनक्षेत्रभित्र वनपाखा फाँड्नी गर्दै सडक निर्माण कार्य अघि बढाइएको छ ।
बर्दिवास नगरपालिका १ र ३ मा पर्ने नेवारडाँडा कामीडाँडा सामुदायिक वनक्षेत्रभित्र प्रदेश सभा २ को संसदीय विकास कोष र क्षेत्र विकास कोषबाट प्रदेशसभा सदस्य शारदा थापाको सिफारिसमा सडक बनाइँदैछ ।
थापाले संसदीय कोषबाट उक्त सडकका लागि रु ५५ लाख रकम विनियोजन गरेर हो । यसअघि गत वर्ष पनि प्रदेश सभा–२ सदस्य शारदा थापाको सिफारिसमा यो सडक बनाउने योजनामा करिब रु सात लाख खर्च गरेर वन क्षेत्रका रुख मात्र ढालिएको थियो ।
वनपाखा झारेर सडक बनाउन लाग्दा बर्खामा पाखाको पहिरो झरेर घर पुर्ने चिन्ता बर्दिवासवासीलाई परेको हो ।
बर्दिवासको मुख्य बजारक्षेत्र रातु नदीको पुलदेखि भब्सी नदी पुलसम्मको करिब तीन किलोमीटर क्षेत्रभित्रको उत्तरतर्फको पाखामा अहिले नेवारडाँडा कामीडाँडा, चिहानडाँडा र रातमाटासमेत तीन सामुदायिक वनक्षेत्र छन् । यीमध्ये ५८ हेक्टर क्षेत्रफलको नेवारडाँडा कामीडाँडा वन क्षेत्रमा सडक बनाउने विकासे योजनाको नाममा ठूलाठूला यन्त्र लगाएर सघन वन क्षेत्र फाँडिएको छ ।
बर्दिवास नगरपालिकाका प्रमुख विदुरकुमार कार्कीले वन क्षेत्र चिर्दै बनाइँदै गरिएको सो सडकबारे आपूmसँग कुनै समन्वय नभएको बताउनुभएको छ ।
यसैगरी डिभिजन वन कार्यालय महोत्तरीका प्रमुख हेमन्तप्रसाद साहले वन क्षेत्र चिरेर बनाइने संरचनाका लागि आपूmले कुनै सहमति दिन नसक्ने र यसबारे आफ्ना उपल्लो तहमा जानकारी गराउने सञ्चारकर्मीलाई बताए ।
प्रदेशसभा सदस्य थापा भने बर्दिवास–१ र ३ बीच आवागमन सहज बनाउन स्थानीयवासीकै माग अनुसार सडक योजनामा आपूmले रकम विनियोजनका लागि सिफारिस गरेको प्रतिक्रिया दिएकी छिन । पहिलेदेखि नै सडक आकार रहेको ठाउँमा आपूmले सिफारिस गरेको सडक योजनाले वन क्षेत्रका रुख नढालेको थापाको बताएकी छिन ।
यो विषयमा आफ्नो प्रतिक्रिया दिनुहोस् !