जनकपुरधाम, जेठ २८ गते । धनुषामा एक युवकलाई गोली प्रहार गरी हत्या गरिएको छ ।
जिल्लाको सबैला नगरपालिका ७ लवटोलीका २५ वर्षका हारुन मण्डलको अज्ञात समूहको गोली प्रहारबाट हत्या भएको धनुषा प्रहरीले जनाएको छ ।
मृतकको शव बुधबार बिहान घरभन्दा करिब २ सयमिटर गोली लागेको अवस्थामा भेटिएको धनुषाका प्रहरी नायव उपरीक्षक रामेश्वर कार्कीले जानकारी दिएका छन ।
मृतक मण्डलको टाउकोमा एक गोली प्रहार गरिएको प्रहरीले जनाएको छ । कसैले घरबाट बोलाएर मण्डलको गोली प्रहार गरी हत्या गरेको हुन सक्ने प्रहरीका आशंका रहेको छ ।
हत्या कसले वा किन गरेको विषमया अनुसन्धान गरिरहेको प्रहरी नायव उपरीक्षक कार्कीले जनाएको छ ।
युवकको गोली प्रहारबाट हत्या र प्रहरी हिरासतमै युवकको शव भुण्डिएको भेटिनु दुवै घटनाले सबैलाको अवस्था अहिले निकै तनावग्रस्त बनेको छ ।
स्थानीयवासी प्रहरी विरुद्ध विरोध प्रदर्शनमा उत्रेका छन । तिनीहरुले घटनाका निष्पक्ष छानबीन र तत्काल दोषी पता लगाई कारवाहीको मांग गर्दै प्रदर्शनमा उत्रेका हुन ।
अवस्था तनावग्रस्त बन्दै गएपछि प्रहरीले केही राउण्ड हवाई फायर र लाठी चार्ज समेत गरेको बुझिएको छ । हाल प्रहरीले भीडलाई नियन्त्रण गरेपनि युवाको जमात ठाउँ ठाउँमा प्रदर्शन गरि नै रहेका छन । सो क्षेत्रमा व्यापक संख्यामा अहिले प्रहरी परिचालन गरिएको छ ।
यो विषयमा आफ्नो प्रतिक्रिया दिनुहोस् !