जनकपुरधाम, जेठ २६ गते । सोमवार पछिल्लो २४ घण्टामा प्रदेश २ मा १ सय ७४ जना थपिए संगै संक्रमितको संख्या १ हजार ३ सय २३ पुगेको छ ।
समाजिक विकास मन्त्रालयद्वारा प्रसारित नियमित मिडिया ब्रिफिङमा सचिव डा. रामप्रसाद घिमिरेले पछिल्लो २४ घण्टामा सप्तरीमा १६, महोत्तरीमा १२, सर्लाहीमा १ सय २०, रौतहटमा ११, बारामा ७ र पर्सामा ८ जना गरी कुल १ सय ७४ जनामा कोरोना संक्रमण पुष्टि भएको जानकारी दिए ।
उनका अनुसार सप्तरीको बलान बिहुल गाउपालिका स्थित क्वारेन्टाईनमा महिला र पुरुष गरी १६ जना, महोत्तरीको औरही नगरपालिकामा ९, जलेश्वर नगरपालिकामा ३ जना गरी १२ जनामा, सर्लाहीको विष्णपुर गाउँपालिकामा ३५, ब्रम्हपुरी गाउपालिकामा ३८, चक्रघटा गाउँपालिकामा १५, बलरा नगरपालिकामा ८ र रामनगर गाउपालिकामा एकजना गरी कुल १ सय २० जनामा कोरोना पुष्टि भएको हो ।
त्यसैगरी रौतहटको इशनाथ नगरापालिका क्वारेन्टाइनमा ४, परवा नरपालिकामा ५, गौरस्थित आइलोसेशन कक्षमा एकजना गरी कुल ११ जनामा कोरोना पुष्टि भएको छ भने बाराको सुवर्ण गाउँपालिकामा ६, पचरैता नगरपालिकामा १ जना गरी ७ र पर्साको जगरनाथपुर गाउँपालिका स्थित क्वारेन्टाइनमा ६ जनामा कोरोना पुष्टि भएको समेत जानकारी उनले दिए ।
उपचारतर्फ १ हजार ३ सय ८३ बेड क्षमता सहितको आइसोलेशन कक्षमा हाल ७६५ जना कोरोना संक्रमितको उपचाररत रहेको छ । जस अन्तर्गत सप्तरीमा ७५, सिरहामा ४८, धनुषामा ९४, महोत्तरीमा ७५, सर्लाहीमा १ सय ५१, रौतहटमा २ सय ४२, बारामा २४ र पर्सामा ३९ जनाको उपचार भइरहेको छ ।
हालसम्म उपचाररत संक्रमित मध्ये उपचार पश्चात निको भई २ सय २६ जना रहेको छ । सोमवार मात्रै प्रादेशिक अस्पताल जनकपुरबाट २३ जना डिस्चार्ज भएका हुन ।
सोमवारसम्म प्रदेशमा ३१ हजार ३ सय ४६ बेड क्षमता सहितको ४ सय १८ क्वारेन्टाइनको निर्माण भएको छ जसमा २० हजार ९ सय २ जना रहेका छन भने होम क्वारेन्टाइनमा ५ हजार ७ सय १३ जना रहेको उनले जानकारी दिए ।
प्रदेशमा हालसम्म पीसीआर परिक्षणका लागि २६ हजार ३ सय १२ जनाको स्वाव संकलन गरिएकोमा १ हजार ३ सय २३ जनाको रिपोर्ट पोजेटिव र १२ हजार ६ सय ८ जनाको निगेटिभ आएको छ भने १२ हजार ३ सय ८० जनाको रिपोर्ट आउन बांकी रहेको सचिव घिमिरेले जानकारी दिए ।
हाल प्रदेशको सप्तरीमा ९२, सिरहामा ४९, धनुषामा १ सय १, महोत्तरीमा एक सय ४, सर्लाहीमा ३ सय ७०, रौतहटमा ४ सय ८, बारामा ७७ र पर्सामा १ सय २२ जनामा कोरोना पुष्टि भइसकेको छ ।
यो विषयमा आफ्नो प्रतिक्रिया दिनुहोस् !