जनकपुरधाम, जेठ २२ गते । करीब अढाई महिनादेखि लकडाउनको क्रममा देशभरि बजार खुकुलो पारिदै गएको अवस्थामा जनकपुरमा प्रहरीले पसल खोलेको निहुँमा व्यवसायीलाई निर्घात रुपमा कुटपिट गरेका छन ।
बिहीवार जनकपुरधाम वडा नम्बर ३ जानकी मन्दिरदेखि जनक चौक जाने बाटोमा रहेका गिता गिफ्ट हाउसका संचालक श्याम चौधरी र उनका बुवा झगरु चौधरीलाई पसल किन खोलेको भन्दै प्रहरीले निर्घात रुपमा कुटपिट गरेका छन ।
लकडाउन अवधि लम्बिदै जाँदा देशका राजधानी काठमाडौ सहित पोखरा, विरगंज, कलैया, हेटौडा लगायतका आधा दर्जनभन्दा बढी शहरमा लकडाउन खुकलो पार्दै पालो पालो रुपमा पसल खुलाउदैं आएको छ । पोखरा, विरगंज, कलैया, हेटौडा लगायतका शहरमा स्थानीय प्रशासनले नै पसल खोलाउंदै आएको छ । तर जनकपुरमा यसप्रति सम्बन्धित निकायले चासो लिएको छैन ।
हुनत काठमाडौमा व्यवसायीहरुले धमाधम पसल खोल्न थालेपछि स्थानीय प्रशासनले सरकारी निर्णय अनुसार खोल्न आग्रह गर्दै छलफलका लागि बोलाएका छन । प्रहरीको यस दमनकारी घटनाको समाजिक संजालमा चौतर्फी आलोचना सहित कारवाहीको मांग गरिदैछ ।
जनकपुर उद्योग वाणिज्य संघले लकडाउन लम्बिदै गएकोले खुकुलो पार्दै पालोपालै गरी पसल खोल्न दिन आग्रह सहित बुधवार स्थानीय प्रशासनलाई ज्ञापन पत्र समेत बुझाएका छन । ज्ञापनपत्र बुझाएको भोली पल्टै प्रहरीले व्यवसायीलाई निर्घात कुटपिट गरेको हो ।
घटनालाई राजनीतिक दलहरुले सामुदायिक विभेदको रुपमा लिएका छन । उनीहरुले देशको अन्य ठाउँमा स्थानीय प्रशासनले लकडाउन पार्दै आएका छन । तर जनकपुरमा व्यवसायीलाई कुटनु भनेको सामुदायिक विभेद हो ।
यसैबीच जनकपुर उद्योग वाणिज्य संघले प्रहरीले व्यवसायी र उनका बुवालाई निर्घात कुटपिट र अमानीय व्यवहारप्रति दुख व्यक्त गर्दै घटनाको घोर भत्र्सना गरेका छन । संघले दोषी प्रहरीमाथि अविलम्ब कारवाहीको मांग गरेका छन ।
साथै बन्दाबन्दीको ७२ औ दिन भईसक्दा पनि उद्योगी व्यवसायीले धैर्यताका साथ बन्दाबन्दीको पालना गरि रहेको अवस्थामा यस्ता घटनाहरु नहुन दिन दुवै पक्षलाई संयमता अपनाउन अपिल समेत गरेका छन ।
यो विषयमा आफ्नो प्रतिक्रिया दिनुहोस् !