जनकपुरधाम, जेठ २० गते । जनकपुरबाट आएको भनेर प्रदेश २ सरकारका आन्तरिक मामिला तथा कानून मन्त्रालयका सचिव कृष्णहरि पुष्कारलाई काठमाडौमा एक चिकित्सकले अग्रेजीमा गाली गर्दै हेपेका छन ।
पितथैलीमा समस्या देखिएपछि उपचारका लागि काठमाडौ स्थित मेडिसिटी अस्पतालमा गएको बेला सचिव पुष्करलाई त्यहाँका चिकित्सक सुनिल कुमार शर्मा ढकालले कहाँबाट आएको सोध्दा जनकपुरबाट आएको सुन्नासाथ अंग्रेजीमा तथानाम गाली गर्दै हेप्यो ।
प्रदेश अख्तियार दुरुपयोग अनुसन्धान आयोगका प्रवक्ताको जिम्मेवारी वहन समेत गरिसकेका सचिव घिभिरले भने संचारकर्मीसंग कुरा गर्दै पित्तथैलीमा समस्या देखिएपछि जनकपुरबाटै फोनबाट समय लिंदा अस्पतालले शुक्रवारको समय दियो ।
अस्पतालले दिएको समय अनुसार सबै प्रक्रिया पुरयाएर त्यहाँ पुग्दा उपचार नपाई डाक्टरको गाली खानुपरेको भन्दै जनकपुरको मानिस हुँ भनेर डाक्टरबाट अपमानित र भेदभावको शिकार हुँदा निकै पिडा भएको बताए ।
उनले भने समयानुसार मेसिसिटी अस्पताल पुगेपछि क्याबिनभित्र प्रवेश दिइएन, बाहिरै उभिन भनियो, उभिरहेँ,’ त्यसको ‘एकछिनपछि उहाँ बाहिर निस्कन लाग्दा कहाँबाट आएको भनेर सोध्यो जनकपुर जवाफ दिने बितिकै अंग्रेजीमा तथानाम गाली गर्दै कोरोना चेक गराएर भन्दै हिंडयो र म चुपचाप सुनिरहें ।
उपचारका लागि जानुपूर्व अघिल्लो दिन अस्पतालका संचालक उपेन्द्र महतो, व्यवस्थापन पक्ष र त्यहाँको सम्पर्क व्यक्ति लगायत कोरोना चेकजाँच भइसकेको लगायतका सबैलाई सम्पूर्ण कुरा जानकारी गराइसकेको अप्वाइन्टमेन्ट दिइएको थियो, तर, डाक्टर ढकालले उपचार त के सामान्य सोधपुछ नगरी जनकपुरको नामै सुनेर गाली गर्नु घटनाले निकै चित दुखाएको उनले पीडा पोखे ।
मेडिसिटीमा भोग्नु परेको पीडा सामाजिक सञ्जाल फेसबुकमा पोख्दै पुष्करले भनेका छन, ‘म माथि भएको दुर्व्यहारको साक्षी अस्पतालकै चिकित्सक र कर्मचारीहरु पनि हुनुहुन्छ । उहाँहरुले पनि दुःखद भन्नुभएको छ । यस्ता विषयहरु उपयुक्त समयमा उपयुक्त तरिकाले सम्बोधन हुन्छ विश्वास लिएको छु ।
यो विषयमा आफ्नो प्रतिक्रिया दिनुहोस् !