जनकपुरधाम, जेठ १४ गते । भारतबाट आएका एक नेपालीको भोकको कारण धनुषाको जटहीमा मृत्यु भएको छ ।
ललकडाउनका कारण भारतमा फँसेका नेपाली आफ्नो घर आइरहेको क्रममा जटहीमा आएको बेला लामो समयदेखि खाना नखाएको कारण मृत्यु हुन गएको बताइएको छ ।
जिल्ला प्रशासन कार्यालय धनुषाका सहायक प्रमुख जिल्ला अधिकारी शरदकुमार पोखरेलका अनुसार भारतीय प्रशासनले बिहान करीब ३ बजेतिर ५ सयको संख्यामा नेपालीहरुलाई जटही बोर्डरमा ल्याएर छाडि दियो ।
तिनीहरुलाई नेपाली सुरक्षार्कीले जटही नजिकै रहेको क्वारेन्टाईन स्टेशनमा राखियो । ती व्यक्तिहरु मध्ये एकजना करीब ६ दिनदेखि खाना खाएको थिएन त्यसलाई खाना खुवाइयो, खाना खाएको केही छिनपछि मृत्यु हुन गएको स्थानीयको भनाईलाई उदृत गर्दै उनले बताए ।
उनका अनुसार, मृतक धनुषाको शहिदनगर नगरपालिकाका ९ निवासी हुन । मृतक परिवारलाई जानकारी पठाइ सकिएको छ भने पोष्टमार्टमाका लागि शव जनकपुर ल्याउने कार्य भइरहेको छ ।
पोष्टमार्टम पश्चात उनको कोरोना परिक्षण गरिनेछ । कोरोना परिक्षण पश्चात निगेटिभ रिपोर्ट निगेटिभ आए परिवारको जिम्मा लगाइने छ, यदि पोजेटिभ आउंछ भने नेपाल सरकारको कोरोना संक्रमित मापदण्ड अनुसार अन्तिम संस्कार गरिने सहायक प्रजिअ पोखरेलले जानकारी दिएका छन ।
यसैबीच मृत्युको घटनाले नाकामा भारतबाट आएकाहरुको भीड आक्रोशित भएका छन । ्उनीहरु सुरक्षा घेरा समेत तोडदै जनकपुर तर्फको लागि प्रस्थान गरेको तथा अहिले उनीहरुलाई नगराइनमा व्यापक सँख्यामा प्रहरी परिचालन गरि रोकिएको छ ।
नाकामा फंसेकाहरुका लागि दैनिक २ वटा बस संचालनमा रहेकोमा आज संख्या बढी भएको कारण तीनवटा बस संचालनमा ल्याई नगराईनबाटै उद्धार कार्य शुरु गरिएको उनले जानकारी दिएका छन ।
बोर्डर घेरा तोडेर नेपाल तिनीहरु छिरिसकेको कारण अवस्था संवेदनशील हुन गएको छ । हुनत नगराईनमा रोकेर राखिएपनि तिनीहरु अन्यत्र ठाउँमा जान सक्ने भएकोले कथम कदाचित संक्रमित ठहरिए अरुलाई जोखिममा पार्न सक्ने सम्भावना देखिएको छ ।
जेठ ४ गतेबाट शुरु गरिएको उद्धार कार्यको क्रममा नाकामा फंसको १ हजार ४ सय ६७ जनालाई मंगलवारसम्म धनुषा प्रशासनले उद्धार गरिसकेको छ ।
सरकारले देश बाहिर रहेका आफ्ना नागरिकलाई व्यवस्थापन गर्न नसकेको कारण यस्तो घटना घटन गएको यहाँका बुद्धिजीवीहरुको भनाई छ । अब पनि समयमै भारतबाट आएका सीमा नाकामा फंसेकालाई व्यवस्थापन गर्न नसकिए अझ दुर्घटना हुन सक्ने तिनीहरुको भनाई छ ।
यो विषयमा आफ्नो प्रतिक्रिया दिनुहोस् !