जनकपुरधाम, जेठ १२ गते । प्रदेश २ को राजधानी जनकपुरधाममा पुनः पीसीआर मेसिन संचालनमा ल्याइएको छ ।
यो तेश्रो पटकको तेश्रो मेसिन हो । यसअघि बन्द गरिएका दुईवटै पीसीआर मेसिन संघीय सरकारले उपलब्ध गराएको पोर्टेबल रहेको रहेको थियो । तर सोमवारदेखि संचालनमा ल्याइएको मेसिन बढी क्षमता भएको रियल टाईम पीसीआर मेसिन हो ।
गलत रिपोर्ट दिइरहेको भन्दै दुई दुई पटक मेसिन बन्द हुँदा निकै आलोचना हुन थालेपछि प्रदेश सरकारले आफैले खरीद गरेको यो आरटी मेसिन हो । जनकपुर र राजविराज दुवै स्थानका लागि आरटी पीसीआर मेसिन खरीद गरिएको हो ।
जनकपुरको प्रादेशिक ल्याबमा सोमवार देखि नै संचालनमा ल्याइएको छ भने राजविराजको गजेन्द्रनारायण सिंह अंचल अस्पतालको ल्याबमा रहेको उक्त मेसिन जडान कार्य सम्पन्न भएप्छि दुई÷तीन पछि संचालन हुने बताइएको छ ।
सोमवार प्रदेशका समाजिक विकास मन्त्री नवलकिशोर साहले निरिक्षण गरेपछि जनकपुरधाम प्रादेशिक जनस्वास्थ्य प्रयोगशाला स्थित पीसीआर मेसिन संचालनमा ल्याइएको हो । जनकपुरमा संचालन भए लगतै प्राविधिक टोली राजविराज प्रस्थान गरेका छन ।
संचालनमा आएको उक्त मेशिनले एकपटकमा चार घण्टामा ९६ वटा सम्म रिपोर्ट दिने छ भने एकदिनमा तीन पटक गरि कुल पौने तिनसयको जाँच हुनेछ ।
निरिक्षणका क्रममा मन्त्री साहसंगै मन्त्रालयका सचिव डा. रामप्रसाद घिमिरे, जनकपुरधामका मेयर लालकिशोर साह, स्वास्थ आपुर्ति व्यवस्थापन केन्द्रका निर्देशक डा. प्रमोद यादव लगाायतका व्यक्तिहरुको सहभागिता रहेको थियो ।
यो विषयमा आफ्नो प्रतिक्रिया दिनुहोस् !