जनकपुरधाम, जेठ ९ गते । पोर्टेबल पीसीआर मेसिनले गलत रिपोर्ट दिएको गुनासोपछि प्रदेश २ को जनकपुरधाम सहित राजविराजमा आरटी (रियल टाईम) पीसीआर मेसिन खरीद गरी ल्याइएको छ ।
प्रदेश सरकारले कोरोना माहामारी रोकथाम, नियन्त्रणका लागि परिक्षण क्षमता बढाउने वाचा गरे अनुरुप जनकपुर र राजविराजको लागि खरीद गरेको २ वटा आरटी पिसिआर मेसिन शुक्रवार ल्याइएको छ ।
मन्त्री परिषदले जनकपुर, विरगंज र राजविराजमा कोरोना परीक्षणको दायरा बढाउन आरटी पीसीआर मेसिन सहितको ल्याव संचालन गर्ने निर्णय गरे अनुरुप जनकपुर र राजविराजको लागि आरटि पिसिआर मेसिन खरिद गरेर ल्याएको हो ।
जनकपुरधाम स्थित पशुरोग अन्वेशन प्रयोगशालामा संचालित ल्याबलाई प्रादेशिक ल्याबको रुपमा संचालन गरिने जनाइएको छ । प्रादेशिक ल्याब जनकपुरधाम र राजविराजमा ल्याइएको आरटी पिसिआर मेसिन संचालनका लागि जडान कार्य समेत शुरु भइसकेको जनाइएको छ ।
अगामी सोमवार देखी दुबै आरटी पिसिआर संचालनमा आउने प्रादेशिक प्रयोगशालाका प्रमुख राम विनय साहले जनाकारी गराएका छन । उक्त मेसिनको क्षमता ४ घण्टामा ९६ जनाको परीक्षण गर्ने रहेको जनाइएको छ । हुनत विरगंज स्थित नारायणी उपक्षेत्रीय अस्पतालमा आरटी पिसिआर जडान भई यस अघि नै संचालनमा रहेको छ ।
प्रदेश सरकारले उपचार, तथा परीक्षणको कार्यलाई थप दुरुस्त बनाउन गजेन्द्र नारायण सिंह सगरमाथा अस्पताल राजविराजलाई ल्याब संचालन, जनशक्ति परिचालन तथा औषधी एवं अन्य सामग्री खरिदका लागि ५० लाख र विरगंज स्थित नारायणी अस्पतालमा उपचाररत कोरोना संक्रमितलाई पोषणयुक्त खाना र खाजाको व्यवस्थापनाका लागि २५ लाख निकासा गरेको जनाइएको छ ।
यो विषयमा आफ्नो प्रतिक्रिया दिनुहोस् !