जनकपुधाम, जेठ ८ गते । लकडाउन उल्लंघन गर्दै प्रदर्शन गरेको भन्दै प्रहरीले समाजवादीका ३० जना युवालाई पक्राउ गरेको छ ।
जनता समाजवादी पार्टीका प्रदेश सांसद अशोक यादवलाई प्रहरी प्रशासनले दुव्र्यवहार गरेको भनी उनको पक्षमा प्रदर्शनमा उत्रेका ३० जनालाई बिहीबार दिउँसो जनकपुरबाट पक्राउ गरेको धनुषाका प्रहरी नायव उपरीक्षक रामेश्वर कार्कीले जानकारी दिए ।
गत साता लकडाउन उलंघन गरी गाडी चलाएको भन्दै जनकपुरधामको भानु चौकमा प्रहरीले उनको गाडीको साँचो खोसेर चालकलाई नियन्त्रणमा लिएको थियो । गाडी छुटाउन गएका सांसद यादवलाई समेत प्रहरीेले दुव्र्यवहार गरेको आरोप प्रदर्शनकारीहरुको रहेको छ ।
उनीहरुले गाडी पास हुँदाहुँदै गाडी र चालकलाई नियन्त्रणमा लिई सांसदलाई दुव्र्यवहार गर्नु गलत रहेको भन्दै दोषीमाथि कारवाहीको मांग गरेका छन । सो क्रममा प्रदेश सांसद यादवको चालकलाई प्रहरीले शब्द प्रयोग गरी धाकधम्की देखाउँदै अपमान गरेका थिए ।
सोहि विषयको समाचार केहि सञ्चार माध्यममा आएपछि प्रहरी र मिडियाको विरोधमा जनता समाजवादी पार्टीका युवा नेता नविन यादवको नेतृत्वमा केहि युवाहरु समुह बिहीबार जनकपुरमा प्रदर्शनमा उत्रेका थिए ।
प्रदर्शनकारीहरुलाई नियन्त्रणमा लिई जिल्ला प्रहरी कार्यालय धनुषाको हिरासतमा राखिएको छ ।
यो विषयमा आफ्नो प्रतिक्रिया दिनुहोस् !