जनकपुरधाम, जेठ ३ गते । प्रदेश २ का ८ वटै जिल्ला कोरोना भाइरस संक्रमित हुन पुगेका छ । शुक्रवारसम्म सिरहा संक्रमित विहिन जिल्ला थियो ।
तर शनिवार स्वास्थ्य तथा जनसंख्या मन्त्रालय जारी गरेको प्रेस विज्ञप्तिमा सिरहामा पनि एक जना कोरोना संक्रमित रहेको पुष्टि गरेको छ । सिरहाको सखुवा १९ का ३० वर्षीय पुरुषमा कोरोना पुष्टि भएको हो ।
यो संगै प्रदेश २ मा १ सय ३ जना संक्रमित भएको पुष्टि भएको छ । यो संख्या देशभैभरिकै अन्य प्रदेशभन्दा बढी रहेको छ । स्वास्थ्य निर्देशनालयका अनुसार प्रदेश २ को पर्सामा सबभन्दा बढी ८५ जना, रौतहट, बारा, धनुषामा ३/३, महोत्तरी, सर्लाहीमा २/२ र सप्तरी, सिरहामा १/१ जना संक्रमित रहेको छ ।
शनिवार बिहान मात्रै नेपालमा ९ जना संक्रमित पुष्टि गरिएको हो । यो संगै नेपालमा संक्रमितको संख्या २ सय ७६ पुगेको छ । मन्त्रालयको पहिलो प्रेस विज्ञप्ति अनुसार विभिन्न ५ जिल्लाका ६ जनामा कोरोना पुष्टि भएको थियो ।
ती संक्रमित पर्सा, वीरगञ्ज १२ का २८ र २९ वर्षीय पुरुष, बर्दिया नार्खु ११ का २८ वर्षीय महिला, सिरहा सखुवा १९ का ३० वर्षीय पुरुष, सर्लाही रामनगर(४ का १८ वर्षीय महिला र चितवन गढौंली १ का २५ वर्षीय महिला छन् ।
त्यस्तै दोश्रो पटक जारी विज्ञप्तिमा कपिलवस्तुमा थप ३ जनालाई पुष्टि गरिएको हो । स्वास्थ्य तथा जनसंख्या मन्त्रालयका अनुसार शनिबार कपिलवस्तुको शिवराज नगरपालिका चन्द्रौटाका २५, ३४ र ४४ वर्षका पुरुषमा संक्रमण भेटिएको हो ।
उनीहरुको अवस्था सामान्य रहेको र चिकित्सकको निगरानीमा रहेको स्वास्थ्य तथा जनसंख्या मन्त्रालयका सहप्रवक्ता डा. समीरकुमार अधिकारीले जनाएका छन ।
यो विषयमा आफ्नो प्रतिक्रिया दिनुहोस् !