जनकपुरधाम, जेठ ३ गते । प्रदेश २ स्थित प्रादेशिक जनस्वास्थ्य प्रयोगशालामा अनियमिता भइएको भन्ने कुरा ल्याब अधिकारीहरुले आरोप लगाएका छन ।
प्रयोगशालाका निमित्त प्रमुख रामविनय साहले कानुन विपरित धमाधम कर्मचारी भर्ना गर्न थालेपछि कार्यालयका कर्मचारीहरु विरोध गर्दा यस्तो रहस्य बाहिरिएको हो ।
कार्यालयका अधिकृत (ल्याब टेक्निशियन) युगल किशोर यादवले एक प्र्रेस विज्ञप्ति जारी गर्दै आफु निकटका र कानुन विपरित आवश्यक्ता नै नरहेको कर्मचारी भर्ना गर्दा विरोध गर्ने कार्यालयका कर्मचारीलाई उनले बारम्बार अन्यत्र सरुवा गर्न खोजेको आरोप लगाएका छन ।
उनका अनुसार प्रयोगशालाका निमित्त साहले गत चैत २१ गते र १७ गते गरी अधिकृत सातौँ तहका ३ जना, पाँचौ तहका १ जना, स्वीपर दुइ जना र सवारी चालक एकजना नियुक्त गरेका छन् ।
जबकी प्रयोगशालामा अहिलेसम्म कुनै गाडी पनि छैन् । गाडी नै नरहेको कार्यालयमा चालक के कालागि नियुक्त गरियो विषयमा अनुसन्धान हुनुपर्ने भन्दै अधिकृत यादवले राज्यको कोष दोहन गर्ने कर्मचारीलाई कार्वाही गर्नुपर्ने बताएका छन् ।
नेपाल पत्रकार महासंघका पुर्व कोषाध्यक्ष एवं जनकपुरस्थित रेडियो जनकपुर ९७ मेगाहर्जका संचालक शीतल साहले प्रयोगशालाको अनियमिता बारे रहस्या खोल्दा कर्मचारीले ज्यानमार्ने धम्की दिएको आरोप लगाएपछि सो आरोप खण्डण गर्दै अधिकृत यादवले प्रयोगशालका प्रमुखले गरेको अनियमितता बारे खुलासा गरेका हुन् ।
यादवले विज्ञप्तिमा भनेका छन संचारमाध्यमलाई आर्थिक प्रलोभनमा पारेर आफ्नो चरित्र हत्या गर्न खोजिएको छ । साथै रेडियो संचालक साहले साहले लगाएको आरोप साबित भए कानुन अनुसारको कार्वाही भोग्न तयार प्रतिबद्धता जनाएको छ ।
साथै निमित्त प्रमुख साहले त्यसयता बारम्बार मलाई अन्यत्र सरुवा गराउन अनेक तिक्रम गरेपनि सफल नभएपछि अन्त्यमा एउटा संचारमाध्यमलाई आर्थिक प्रलोभनमा पारी नेपालका संविधान र त्यस मातहतका ऐन कानुन समेतको धज्जी उडाउँदै व्यक्तिगत चरित्रमा आँच आउनेगरी परिचालनमा उत्रेको आरोप समेत लगाएका छन ।
यो विषयमा आफ्नो प्रतिक्रिया दिनुहोस् !