जनकपुरधाम, वैशाख २७ गते । गत डेढ महिनापछि प्रादेशिक अस्पताल जनकपुरमा ओपीडी सहितका सम्पूर्ण स्वास्थ्य सेवा संचालनमा आएको छ ।
कोरोनाका संक्रमण फैलिन नदिन सरकारले घोषणा गरेको लकडाउनको भोलि पल्ट अर्थात चैत १२ गतेदेखि प्रादेशिक अस्पतालमा इमरजेन्सी र प्रसुति सेवा बाहेक सम्पूर्ण सेवा बन्द गरिएको थियो ।
अस्पताल भित्रै कोरोना शंकास्पद र संक्रमितको उपचारको लागि आइसोलेशन वार्ड निर्माण भएपछि अस्पताल व्यवस्थापकले अन्य व्यक्तिलाई कोरोना संक्रमणबाट जोगाउने उद्देश्यले इमरजेन्सी वाहेक सबै सेवा बन्द गरिएको थियो ।
ओपीडी सहितका सम्पूर्ण सेवा बन्द भएको दुई हप्तापछि अस्पतालमा ज्वरो खाँसी लगायतका बिरामी चेकजाँचका लागि भाइरल फिवर क्लिनिक सहितका सेवा संचालनमा ल्याइएको थियो ।
अस्पताल अन्तर्गतको नर्सिंग क्याम्पसमा लेभल २ स्तरका कोरोना विशेष अस्पताल संचालनमा आएपछि अस्पतालले बन्द गरेका ओपीडी सहितका सम्पूर्ण सेवा संचालनमा ल्याएको मेडिकल सुपरिडेन्ट डा. नागेन्द्र यादवले जानकारी दिएका छन ।
उनले भने अस्पतालमा कोरोना संक्रमित र शंकास्पद बिरामीहरु आउन थालेपछि अन्य बिरामीलाई समस्या हुन सक्ने र स्वास्थ्य मन्त्रालयको निर्देशनानुसार इमरजेन्सी र प्रसुति सेवा बन्द गरिएको थियो । तर कोरोना विशेष अस्पताल संचालनमा आएपछि अस्पताल पुर्ण सुरक्षित भएपछि ओपीडी सेवा संचालनमा ल्याइएको हो ।
डेढ महिनादेखि सुनसान रहेको अस्पताल ओपीडी सेवा संचालनमा आएपछि पुनः भीडभाड देखिन थालेको छ ।
यो विषयमा आफ्नो प्रतिक्रिया दिनुहोस् !