जनकपुरधाम, वैशाख १७ गते । मधेशी पत्रकार समाज नेपालले कोरोना भाइरसको महामारीमा जोखिम मोल लिएर काम गर्दै श्रमजीवी पत्रकारहरुको पारिश्रमिक उपलब्ध गराउन संचारगृहहरुसंग मांग गरेको छ ।
बुधवार समाजका सचिव संजिव विक्रम साहले एक प्रेस विज्ञप्ति जारी गर्दै संक्रमणकालिन र संवेदनशील अवस्थामा पत्रकारहरुले आफ्नो पेशाको धर्म निर्वाह गर्दै उच्च जोखिम मोल लिएर अहरोत्र काम गर्दै आएकोमा संचारगृहले समयमै पारिश्रमिक उपलब्ध गराउन संचारगृहसँग माँग गरेका छन ।
राष्ट्रिय संकटको यो समयमा केही संचारगृहले श्रमजीवी पत्रकारहरुलाई पारिश्रमिक उपलब्ध नगराउंदा दैनिक जिवन निर्वाह गर्न समस्या देखिएकोले तिनीहरुको समस्या, पिडमार्कालाई बुझेर तत्काल पारिश्रमिक उपलब्ध गराउन सम्बन्धित संचारगृहलाई विज्ञप्तिमा भनिएको छ ।
यसका साथै अहिलेको संकटपुर्ण अवस्थालाई मध्यनजर गर्दै संचारकर्मी र संचार प्रतिष्ठानहरुको समस्या सम्बोधन हेतु अविलम्ब राहत सुविधा उपलब्ध गराउन प्रदेश र संघीय सरकारसँग माँग समेत समाजले गरेको छ ।
कोरोना भाइरस संक्रमणको उच्च जोखिम मोलेर जनतालाई सुसुचित गर्ने दायित्व पुरा गरिरहेका संचारकर्मीहरुलाई आफ्नो सुरक्षाप्रति संवेदनशील भएर सत्यतथ्य र जनचेतनामूलक समाचार सामाग्री प्रकाशन÷प्रसारण गर्न आग्रह समेत विज्ञप्ति मार्फत गरिएको छ ।
यो विषयमा आफ्नो प्रतिक्रिया दिनुहोस् !