नयाँदिल्ली, वैशाख १७ गते । लामो समयदेखि क्यान्सर रोगबाट पिडीत बलिउड अभिनेता इरफान खानको बुधवार निधन भएको छ ।
मुम्बईस्थित कोकिलाबेन धिरुभाइ अम्बानी अस्पतालको आईसीयूमा उपचार क्रममा उनको ५४ वर्षको उमेरमा मृत्यु भएको भारतीय सञ्चारमाध्यमले जनाएका छन् ।
पेटमा संक्रमण भएपछि खानलाई आइसीयूमा भर्ना गरिएको उनका प्रवक्ताले मंगलबार जनाएका थिए । गत शनिबार मात्रै उनकी आमा सइदा बेगमको मृत्यु भएको थियो । उनकी आमा ९५ वर्षकी थिइन् ।
आफू समेत बिरामी भएको कारण आफ्नो आमा निधनमा पनि पुग्न सकेन । लकडाउनको कारणले उनको आमा र उनको अन्तिम संस्कारमा तामझाम देखिएन, मात्र परिवारका सदस्यहरुको सहभागिता रहेको थियो ।
सन् २०१८ मा इरफानलाई न्युरोइन्डोक्राइन ट्युमर भएको थियो । पछिल्लो समय इरफानले अंग्रेजी मेडियम नामक फिल्ममा अभिनय गरेका छन् ।
इरफान खानले लाइफ अफ पाई, जुरासिक वल्र्ड, पिकु, बिल्लु, हिन्दी मेडियम, अंग्रेजी मेडियम, गुन्डेजस्ता चर्चित हलिउड तथा बलिउड चलचित्रमा अभियन गरेका थिए ।
अस्कर अवार्ड फिल्म पुग्ने कलाकार मध्ये इरफान पनि एक हुन । सन् १९८८ मा सलाम मुम्मबई इरफानको फिल्म अस्कार अवार्डको लागि चुनिएपछि अन्तिम चरणमा चुकेको थियो । एजेन्सी
यो विषयमा आफ्नो प्रतिक्रिया दिनुहोस् !