जनकपुरधाम, वैशाख १७ गते । प्रदेश २ का बारा र पर्सामा २/२ जना थप पोजेटिभ देखिएपछि अब नेपालमा कोरोना भाइरसको संक्रमित संख्या ५८ पुगेको छ ।
बुधवार राष्ट्रिय जनस्वास्थ्य प्रयोगशालाको परिक्षणमा बाराका २ र पर्साका २ जना गरी चार जनामा संक्रमण संक्रमण पुष्टि भएको समाजिक विकास मन्त्रालयका सचिव रामप्रसाद घिमिरले जानकारी दिएका छन । यो संगै प्रदेश २ मा संक्रमितको संख्या १३ पुगेको छ ।
स्थानीय क्वारेन्टाइनमा रहदै आएका चारैजनामा कोरोना पुष्टि हुने बितिकै उनीहरुलाई उपचारको लागि नारायण उपक्षेत्रीय अस्पताल वीरगञ्ज पठाइएको कुरा स्वास्थ्य निर्देशनालय प्रदेश २ का सह निर्देशक विजय झाले बताएका छन ।
अधिकृत झाका अनुसार कन्ट्याक्ट ट्रेसिङका लागि प्रदेशबाट प्राविधिकसहितको टोली परिचालन भैसकेको छ । अहिले उनीहरुको बारेमा धेरै जानकारी बाहिर आएको छैन ।
स्रोतका अनुसार उनीहरु यसअघि वीरगन्ज १६ स्थित इनरुवाका कोरोना संक्रमित जमातीसँगै दिल्लीको मर्कज (धार्मिक भोला) बाट फर्किएका थिए ।
गत आइतबार पनि वीरगन्जका दुईजना व्यक्तिमा कोरोना संक्रमण पुष्टि भएको थियो भने मंगलबार मात्र रौतहटका दुई जनामा कोरोना संक्रमण पुष्टि भएको थियो ।
यो विषयमा आफ्नो प्रतिक्रिया दिनुहोस् !