जनकपुरधाम, वैशाख १४ गते । तात्कालिन समाजवादी पार्टीका सांसद डा. सुरेन्द्र यादवको अपहरण घटनामा संलग्नहरु कारवाहीको मांग गर्दै नवगठित जनता समाजवादी पार्टीका नेता शरदसिंह भण्डारीले उजुरी दिने तयारी थालेका छन ।
पार्टी फुटाउने घटनामा संलग्न एवं उनकै पाटींका अर्का सांसद प्रदीप यादवले सांसद डा. यादवको अपहरण घटना हावादारी रहेका भन्दै आएको बेला तात्कालिन राजपा नेपालका संयोजक समेत रहेका शरतसिंह भण्डारीले कारबाहीको माग गर्दै प्रहरीमा उजुरी दिने प्रक्रिया अघि बढाएको हो ।
तत्कालीन समाजवादी पार्टीका सांसद एवं पूर्व स्वास्थ्य राज्यमन्त्री डा. सुरेन्द्र यादवलाई सत्तारुढ दल नेकपाका सांसदहरु महेस बस्नेत, किसन श्रेष्ठ र पूर्व प्रहरी प्रमुख सर्वेन्द्र खनालले घरबाटै अपहरण गरी काठमाडौँ ल्याएको भन्दै उनीहरुविरुद्ध उजुरीको तयारी भइरहेको भण्डारीले संचारकर्मीसँग कुरा गर्दै बताएका छन ।
नेता भण्डारीका अनुसार उजुरीबारे पार्टी भित्र छलफल जारी रहेको भन्दै पार्टीका तर्फबाट भन्दा पनि अपहरणमा परेका सांसदकै तर्फबाट उजुरीको तयारी भइरहेको बताए । मुद्दा दर्ताअघि वकिलसँग सांसद यादव र पार्टीका शीर्ष नेताहरुले छलफल गरेका छन ।
नेकपाका सांसद र पूर्व प्रहरी प्रमुखले गत बुधबार आफूलाई घरबाट उठाएर ल्याएको सांसद यादव र उनका पार्टीले भन्दै आएका छन । तर घटना अनुसार उनको अपहरणभन्दा पनि मन्त्री पाउने लोभमा पार्टी फुटाउने खेलमा लागेको पार्टी पक्षबाटै कुरा आइरहेको छ ।
यता सांसद प्रदीपले राजनितिक संरक्षण र पार्टीमा आफनो पहुच बढाउनको लागि डा.सुरेन्द्र यादवले अपरहणको हल्ला फैलाएको र त्यो कुरा हावादारी मात्रै रहेको बताएका छन ।
संचारकर्मी सँगको एक अन्तरवार्तामा प्रदीपले भने सांसद यादवको अपहरणको कुरा सरासर हावादारी कुरा हो । साचो कुरा के हो भने आरोपित भनिएका व्यक्तिहरुलाई डा. यादवले आफै लकडाउनमा सुरक्षाको लागि बोलाएको र संगै घरमा खाना समेत खाएको छ ।
यादवले पार्टीको नेतृत्व प्रति असुंष्टि जनाउदै भने पार्टीमा अध्यक्षको एकल हैकमवादी चलिरहेको छ । हामी त्यस हैकमवादी विरुद्ध विद्रोहमा जाने तयारीमा थियौं । पार्टी नेतृत्वको हैकमवादी बारे सांसद प्रदीप यादवले पछिल्लो पटक स्पष्टीकरणको समेत कुनै मौका नदिई एकल निर्णयबाट आफूलाई निलम्बन गरी आफूलाई लात हान्ने काम गरियो अन्तवार्तामा भनेका छन ।
यो विषयमा आफ्नो प्रतिक्रिया दिनुहोस् !