काठमाडौ, वैशाख १३ गते । आगामी जेठ २ गतेसम्म अन्तर्रा्ष्ट्रिय र आन्तरिक उडान बन्द गर्ने उपप्रधान एवं रक्षामन्त्री ईश्वर पोखरेल नेतृत्वको कोभिड १९ संक्रमण, रोकथाम तथा नियन्त्रण उच्चस्तरीय समन्वय समितिले निर्णय गरेको छ ।
शनिबार सिंहदरबारमा बसेको समितिको बैठकले आन्तरिक र बाह्य दुवैतर्फका उडान जेठ २ गतेसम्म रोक्ने निर्णय गरिएको प्रधानमन्त्री कार्यालयका सचिव नारायण विडारीले बताएका छन ।
हवाई उडानहरु अप्रिल ३० सम्म स्थगित थियो’, उनले भने, ‘यसलाई मे १५ सम्म लम्ब्याउने, उडानलाई स्थगित नै राख्ने निर्णय गरिएको उनले भने ।
सरकारले दोस्रोपटक थप गरेको लकडाउनको अवधि वैशाख १५ सकिन लाग्दा समितिले लकडाउनको मोडालिटी तयार गर्ने जिम्मा मुख्य सचिवको नेतृत्वमा रहेको टाक्र्सफोर्सलाई दिएको छ । जसका लागि आइतवार मन्त्रिपरिषदको बैठक बस्ने भएको छ ।
बैठकले तत्काल लकडाउन खोल्ने अवस्था नरहेको निष्कर्ष निकालेको पर्यटन तथा नागरिक उड्डयनमन्त्री योगेश भट्टराईले जानकारी दिए । मुख्यसचिव नेतृतवको कार्यदलमा विभिन्न मन्त्रालयका सचिवहरु सहभागी रहेको र सबैतिरको अवस्थाको मूल्यांकन गरेर लकडाउनको स्वरुप तयार हुने उनले बताए ।
बैठकमा हालसम्मका लकडाउनकोे प्रभावकारिता, कार्यान्वयन र सफलताका विभिन्न पाटा पक्षबाट समीक्षा गर्दै यस कार्यमा महत्वपूर्ण योगदान पु¥याउने चिकित्सक, नर्स, सुरक्षाकर्मी लगायत सबै सरोकारवाला निकाय र अधिकारीलाई समितिले धन्यवाद ज्ञापन गरेको छ ।
सबै प्रदेशमा अहिले औषधि र औषधिजन्य सामग्रीको आपूर्ति उपलब्धता सहज अवस्थामा रहेकाले कुनै पनि अभाव नरहेको र आवश्यकतानुरुप सामग्री पु¥याउन सक्ने अवस्थामा भएको समितिको दाबी रहेको छ ।
यो विषयमा आफ्नो प्रतिक्रिया दिनुहोस् !