जनकपुरधाम, वैशाख ८ गते । धनुषामा निर्मित क्वारेन्टाईनहरु सुरक्षित, व्यवस्थित र जोखिममुक्त रहेको जिल्ला प्रशासन कार्यालयका सहायक प्रमुख जिल्ला अधिकारी शरतकुमार पोखरेलले दाबी गरेको छन ।
विश्वभरि महामारीको रुपमा फैलिएको कोरोना भाइरस (कोभिड १९) का शंकास्पद व्यक्तिका लागि जिल्लाका विभिन्न पालिकामा निर्मित क्वारेन्टाईनको नियमित अनुगमन भइरहेको भन्दै सहायक प्रजिअ पोखरेलले सुरक्षित र जोखिम मुक्त रहेको दाबी गरे ।
क्वारेन्टाईनमा रहेका महिला, बालबालिका तथा अपांगता भएका व्यक्तिका लागि क्वारेन्टाईन जोखिम रहेको भन्ने जिज्ञासामा लोकपुकार सँग कुरा गर्दै उनले भने हाम्रै संयोजकत्वमा गठित संरक्षण समितिले नियमित रुपमा जिल्लाका १८ वटै क्वारेन्टाईनमा नियमित रुपमा अनुगमन गरिरहेको छौं हालसम्म त्यस्तो फेला कुरा फेला परेको छैन ।
सहायक प्रजिअ पोखरेलले क्वारेन्टाईन गठन हुँदामा शुरुमा केही समस्या थियो तर जिल्ला विपद् व्यवस्थापनले कमी कमजोरी भएका क्वारेन्टाईनलाई मापदण्ड भित्र ल्याइएको छ । हाल कडा सुरक्षाबीच क्वारेन्टाईनहरु संचालनमा रहेका छन । कसैलाई भित्र वा बाहिर जाने अनुमति नरहेको भने ।
यसका साथै प्रत्येक क्वारेन्टाईनमा खाने बस्नेदेखि चिकित्सक र स्वास्थ्यकर्मी व्यवस्था तथा उपचार चेकजाँच सामाग्री सहित पिपिई पर्याप्त संख्यामा रहेको छ । जिल्ला प्रशासन कार्यालय र विपद् व्यवस्थापन समितिद्वारा स्वास्थ्य उपचार र सुरक्षा सामाग्री उपलब्ध गराउंदै आएको जानकारी समेत उनले दिए ।
ती क्वारेन्टाईनहरुलाई अझ व्यवस्थित र प्रभावकारी बनाउन मनोपरामर्शदाता व्यवस्था गर्न लागिएको जानकारी दिदैं सहायक प्रजिअ पोखरेलले एकद्वारा प्रणालीबाट एकीकृत रुपमा ती क्वारेन्टाईनहरुमा सेवा परिचालनका लागि जिल्ला स्थित संरक्षण क्षेत्रमा काम गर्ने संघ संस्थाहरुसँग समन्वय गर्ने प्रयास भइरहेको भने ।
हाल धनुषा जिल्लामा कोरोना भाइरस जोखिम नरहेपनि थप सुरक्षित बनाउन लकडाउन कडाईका साथ पालना गर्नमा जिप्रका जुटेको छ । यस कोरोना विरुद्धको लडाईमा जिल्ला प्रशासन कार्यालय मात्रै होइन सम्बन्धित सबै निकाय र आमनागरिकको सहयोग उतिकै जरुरी रहेकोले सबै मिलेर अघि बढनुपर्नेमा उनले जोड दिए ।
यो विषयमा आफ्नो प्रतिक्रिया दिनुहोस् !