जनकपुरधाम, वैशाख ६ गते । कोरोना भाइरस महामारी रोकथाम एवं नियन्त्रणका लागि जारी लकडाउनका कारण भोकमरी समस्या झेलिरहेका गरीब परिवारलाई जनकपुरधाम उपमहानरापलिका बेवास्ता गरेपछि वडाअध्यक्षहरु सक्रिय भएको छ ।
गरीब, दलित, असहाय परिवार र भाडामा घर लिएर बस्दै आएका विद्यार्थीहरु वर्ग परिवारलाई खाद्यान्न वितरणमा वडा नम्बर दुईका अध्यक्ष व्यक्तिगत खर्च र विभिन्न स्थानीय दाताहरुको सहयोगमा सक्रियता देखाएका छन ।
वडाध्यक्ष शिवकुमार साहले शनिवार तेश्रो चरणको करीब एक सय १३ परिवारलाई राहत वितरण गरेका छन । वडाध्यक्ष साहले ५ किलो चामल, आधा किलो दाल, डेढ किलो आलु, आधा लिटर खाने तेल, नून सहितका खाद्यय सामाग्री वितरण गरेका छन ।
खाद्यय सामाग्रीका साथै मास्क, हातधुने साबून र सेनिटाइजर समेत प्रत्येक परिवारलाई वितरण गरेका छन । कोरोना भाइरस संक्रमणको जोखिमलाई मध्यनजर गर्दै एकमीटर दूरी कायम गरी लाईन लगाएर राहत वितरण गरिएको हो ।
लोकपुकार सँग कुरा गर्दै उनले भने लकडाउनका गरीब असहाय र घर भाडामा लिएर बाहिरका विद्यार्थीहरुलाई निकै समस्या भएको कारण तिनीहरु खाना खानबाट वंचित नहोस उद्देश्यले राहत वितरण गरिएको हो ।
उनले भने उपमहानगरपालिकामा प्रदेश सरकारले दिएको २० लाख र कोषमा ८० लाख रुपैया हुँदाहुँदै उपमहानगरपालिकाले भोकमरीमा रहेका गरीब परिवारलाई बेवास्ता गरेपछि आफूलाई तिनीहरुको समस्या असहय भएपछि शुरुमा आफ्नै लगानीमा ३ किलो चामल र दाल लगायतका सामाग्रीबाट राहत वितरण शुरुवात गरे पछि स्थानीय विभिन्न दाताहरुले सहयोग गरेपछि यो तेश्रो चरणको राहत वितरण गरिएको हो ।
राहत वितरणका साथै वडाध्यक्ष साहले वडावासीलाई साबून, सेनिटाइजर, मास्क लगायतका सामाग्री वितरण गरिसकेका छन । वडाध्यक्ष साहले हालसम्म करीब ३ सयभन्दा परिवारलाई तीन चरणमा गरी राहत वितरण गरिसकेको छ ।
उपमहानगरपालिका राहत वितरणबाट पन्छिदै गएपछि वडा नं. २ का अध्यक्ष साह मात्रै होइन यसअघि वडा नम्बर ७ का अध्यक्ष जानकीराम साहले पनि विभिन्न चरणमा गरीब परिवारलाई राहत वितरण गरिसकेका छन भने वडा नं. १ का अध्यक्ष शत्रुध्न साहले गरीब दलित परिवारलाई खाना वितरण गर्दै आएका छन ।
यो विषयमा आफ्नो प्रतिक्रिया दिनुहोस् !