जनकपुरधाम, वैशाख १ गते । सोमवार दुई पोजेटिभ केश भेटिएपछि नेपालमा कोरोना भाइरस संक्रमितको संख्या अब १४ पुगेको छ ।
बारा र रौतहट जिल्लामा सोमवार एक/एक कोरोना भाइरस संक्रमित भेटिएको राष्ट्रिय जनस्वास्थ्य प्रयोगशालाले जनाएको छ ।
वीरगञ्ज नाकामा चिया पसल गर्दै आएकी कैलाली लम्की चुहामा ६५ वर्षीया एक महिला र रौतहटमा एक १९ वर्षिय युवकमा कोरोना भाइरसको संक्रमण रहेको पुष्टि भएको छ ।
गत चैत १७ गतेदेखि लम्की बहुमुखी क्याम्पसको क्वारेन्टाइनमा थिइन् । वीरगञ्ज नाकामा चिया पसल गर्ने उनी ९ चैतमा लम्की आएकी थिइन् । भुरुवामा आफन्त कहाँ बसेकी उनलाई स्थानीय जनप्रतिनिधिले क्वारेन्टाइनमा राखेका थिए ।
१७ दिन क्वरेण्टीनमा बस्दा पनि कुनै लक्षण नदेखिएपछि २९ गते उनलाई घर पठाइएको थियो । तर सोमबार गरिएको परीक्षणमा कोरोना पुष्टि भएपछि अहिले उनलाई सेती प्रादेशिक अस्पताल धनगढी पठाइएको छ ।
क्वारेन्टाईनमा बस्दै आएका रौतहटका ती युवकको स्वाव काठमाडौंस्थित राष्ट्रिय जनस्वास्थ्य प्रयोगशालामा परीक्षण गर्दा सोमबार पोजिटिभ भेटिएका हो ।
यो सँगै नेपालमा संक्रमितको संख्या १४ पुगेको स्वास्थ्य तथा जनसंख्या मन्त्रालयका प्रवक्ता डा. विकास देवकोटाले सोमबारको नियमित ब्रिफिङमा जानकारी दिइसकेका छन ।
यो विषयमा आफ्नो प्रतिक्रिया दिनुहोस् !