जनकपुरधाम, चैत ३० गते । प्रहरीले धनुषाको मिथिला नगरपालिकाबाट भरुवा बन्दुक सहित दुईजना पक्राउ गरेको छ ।
जिल्ला प्रहरी कार्यालय धनुषाका अनुसार पक्राउ पर्नेमा मिथिला नगरपालिका ४ पुष्पलपुरका २६ का सरोजकुमार महतो र वर्ष ४४ का राजकुमार लामा रहेको छ ।
आइतबार दिउँसो करीब अढाई बजेतिर भरुवा बन्दुक बोकेर पुष्पलपुर खोला हुँदै गइरहेको क्रममा ज.१२ प. १११५ नम्बरको पल्सर मोटरसाइकलमा गइरहेको क्रममा प्रहरीले चेकजाँचको क्रममा तिनीहरुलाई पक्राउ गरिएको जनाइएको छ ।
पक्राउ परेका दुबैजनालाई हातहतियार तथा खरखजाना मुद्दामा जिल्ला अदालत धुनषाबाट म्याद थपगरी अनुसन्धान प्रक्रिया अघि बढाइएको धनुषाका प्रहरी नायव उपरीक्षक रामेश्वर कार्कीले जानकारी दिएका छन ।
यो विषयमा आफ्नो प्रतिक्रिया दिनुहोस् !