जनकपुरधाम,चैत २९ गते । प्रदेश २ मा शनिबारसम्म ३ सय ६३ जना कोरोना भाइरस शंकास्पदको गरिएको स्वाव परिक्षणमा १ सय ३२ जनाको रिपोर्ट निगेटिभ आएको छ ।
२ सय ३१ जनाको रिपोर्ट आउन अझै बांकी रहेको बताइएको छ । प्रदेश २ मा चैत २१ गतेबाट सुरु गरिएको ल्याब परिक्षण मध्ये नारायणी अस्पताल वीरगञ्जबाट संकलन गरिएका ९७ जनाको परिक्षणमा ६० जनाको रिपोर्ट निगेटिभ आएको छ भने ३७ जनाको रिपोर्ट आउन बाँकी रहेको छ ।
प्रादेशिक अस्पताल जनकपुरमा २ सय ४६ जनाको परिक्षण गरिएकोमा ५२ जनाको रिपोर्ट निगेटिभ आएको छ भने १ सय ९४ जनाको आउन बाँकी रहेको छ भने राजविराजस्थित गजेन्द्र नारायण सिंह सगरमाथा अस्पतालबाट संकलित ११ जनाको टेस्ट गरिएकोमा सबैको रिपोर्ट निगेटिभ आएको छ स्वास्थ्य निर्देशनालय जनाएको छ ।
प्रदेश २ मा कोरोना भाइरस संक्रमणको आशंकामा विभिन्न जिल्लामा निर्माण गरिएको १ सय ४६ वटा क्वारेन्टाइनमा ७२ जना महिला र ९ सय २१ जना पुरुष गरि जम्मा ९ सय ९३ जना शंकास्पद व्यक्तिलाई राखिएको स्वास्थ्य निर्देशनालयका प्रशासकीय अधिकृत विजय झाले जानकारी दिएका छन ।
प्रदेशभरिमा अहिले जम्मा १ हजार २ सय ९४ जना व्यक्तिहरु होम क्वारेन्टाइनमा रहेका छन् भने २ सय १४ बेड क्षमताको आईसोलेशनमा २ जना महिला र १२ जना पुरुष गरि जम्मा १४ जना भर्ना रहेको जनाइएको छ ।
झाका अनुसार रौतहटमा १६ वटा क्वारेन्टाइनमा अहिले २ सय ४१ जनालाई र ४४ जनालाई होम क्वारेन्टाइनमा राखिएको छ भने ३० बेड क्षमताको आईसोलेशन बेडमा अहिले कुनै शंकास्पद बिरामी रहेको छैन ।
त्यस्तै बारामा १४ वटा क्वारेन्टाइनमा अहिलेसम्म ६८ जनालाई राखिएको छ भने ५७ जना होम क्वारेन्टाइनमा रहेका छन् । बारा जिल्लामा निर्माण गरिएको ४८ बेड सहितको आईसोलेशन वार्डमा अहिले कुनै शंकास्पद बिरामी रहेको छैन । पर्सामा १४ वटा क्वारेन्टाइनमा ८५ जना क्वारेन्टाइनमा र ११ जना होम क्वारेन्टाइनमा रहेका छन भने ३० बेडको आईसोलेशनमा अहिले ३ जना शंकास्पद पुरुष बिरामीलाई राखिएको छ ।
सप्तरीमा निर्मित ३१ वटा क्वारेन्टाइनमा अहिले २ सय ५४ जना र १ सय ९५ जना होम क्वारेन्टाइनमा छन् भने १३ बेडको आईसोलेशनमा अहिले कुनैपनि बिरामी नरहेको छैन । सिरहाको १७ वटा क्वारेन्टाइनमा १ सय ३४ जना र ७७ जना होम क्वारेन्टाइनमा रहेका छन भने ४० बेडको आईसोलेशन रहेकोमा त्यहाँ अहिले ४ जना शंकास्पद पुरुष बिरामीलाई भर्ना गरिएको छ ।
धनुषाको १७ वटा क्वारेन्टाइनमा ९९ जना र र ६२ जनालाई होम क्वारेन्टाइनमा राखिएको छ भने १२ बेडको आइसोलेशन वार्डमा २ महिला र ५ पुरुष गरि ७ जना शंकास्पद बिरामीलाई राखिएको छ । महोत्तरीको १७ वटा क्वारेन्टाइनमा ७४ जना र ७ सय ९८ जनालाई होम क्वारेन्टाइनमा राखिएको छ भने २६ बेडको आईसोलेशनमा हाल शंकास्पद बिरामी रहेको छैन ।
त्यस्तै सर्लाही जिल्लाको २० वटा क्वारेन्टाइनमा ६१ र ५० जनालाई होम क्वारेन्टाइनमा पठाइएको छ भने १५ वटा आईसोलेशन बेड सहितको वार्डमा कुनैपनि शंकास्पद बिरामी आएको छैन ।
यो विषयमा आफ्नो प्रतिक्रिया दिनुहोस् !