राजविराज, चैत २७ गते । सप्तरी प्रहरीले क्वारेन्टाइनमा बस्न नमानी भागेका १४ भारतीय सहित २५ जनालाई नियन्त्रणमा लिएर क्वारेन्टाइनमा पठाएको छ ।
भारतको दिल्ली र काठमाडौबाट आएका ती व्यक्तिहरुलाई अग्निसाइर कृष्णासवरण गाउँपालिका स्थित क्वारेन्टाईन राख्ने तयारी भइरहेको बेला पिकभ्यानमा सवारी भई भागेका थिए । प्रहरीले तिनीहरुलाई सप्तरीको कंचनपुर–भारदहको बीचबाट बुधवार राति नियन्त्रणमा लिइएको हो ।
सप्तरीको अग्निसाइर कृष्णासवरण गाउँपालिका ४ स्थित बाँसघारी नजिक बुधबार राति भारत विहारको अररिया जिल्ला घर भएका १४ जना मुस्लिम युवकलाई स्थानिय बासिन्दाले देखेपछि आफूलाई खबर गरेपछि क्वारेन्टाईनमा राख्ने तयारी भइरहेको बेला उनीहरु भागेको थियो वडाध्यक्ष तेजनारायण यादवले बताए ।
उनका अनुसार फरार भएकाहरुमा अररिया जिल्ला घर भएका महमद सलिम, महमद इस्तिमाक, अजरत मुसलमान, गेजिस मिया, महमद वारिस, महमद सबिर, शोखिमान मिया, मुस्विर मिया, मगम मिया, तेजाब आलम, महमद समसाद, महमद नाशिस, नाजिब मिया र महमद साहद मिया रहेको छ ।
उनीहरु मध्ये कसैले आफूहरु दिल्लीबाट त कसैले काठमाडौंबाट आएको बताएपछि शंका लागेर उनीहरुलाई अग्निसाइर कृष्णासवरण गाउँपालिकास्थित क्वारेन्टाइनमा लग्ने तयारी गरिरहँदा काठमाडौं तर्फबाट तरकारी पु¥याएर फर्किंदै गरेको ज १ च १५७९ नम्बरको पिकअप भ्यानमा सवार भइ उनीहरु भागेका थिए ।
मध्यरात भइसकेको हुँदा प्रहरीले पनि तत्कालै सहयोग नगर्दा सहायक प्रमुख जिल्ला अधिकारी आनन्दकुमार ठाकुरलाई सम्पर्क गरी घटनाबारे जानकारी गराएपछि प्रहरी सक्रिय भई तिनीहरुलाई नियन्त्रणमा लिएको उनले बताए ।
यो विषयमा आफ्नो प्रतिक्रिया दिनुहोस् !