राजविराज, चैत २६ गते । प्रदेश २ का सभामुख सरोजकुमार यादवले लकडाउन अवज्ञा गर्दै होटल खोलाएर खाना खाएका छन ।
कोरोनाभाइरस (कोभिड–१९) को संक्रमण फैलिन नदिन सरकारले तेस्रो चरणको घोषणा गरेको लकडाउनको पालना सबै नागरिकले घरमा बसेर गर्दै आएका छन तर कानून निर्माण गर्ने थलोका मुखिया अर्थात सभामुखद्वारा लकडाउनको अवज्ञा गरेको यो पहिलो घटना हो ।
प्रदेश २ का सभामुख यादवसहितका टोलीले सप्तरी जिल्ला गएको बेला सरकारले लागू गरेको लकडाउनको अवज्ञा गर्दै बुधवार कोशी ब्यारेज स्थित बन्द रहेको होलिडे नामक होटल खोलाएर खाना खाएको हुन ।
सभामुखको टोलीमा उनका अतिरिक्त समाजवादी पार्टीका प्रदेशसभा सदस्य कौसल यादव, प्रदेश सभाका सचिव रन्जीत यादव, अरुण झा लगायत प्रदेश सभाका अन्य कर्मचारीहरु थिए । यसैगरी, प्रदेश सभाकै सुरक्षाकर्मीहरुको टोलीले पनि खाना खाएका थिए ।
राजविराजस्थित गजेन्द्रनारायण सिंह अस्पतालको व्यवस्थापन बारे छलफल गर्नका साथै कोरोना संक्रमणको रोकथामका लागि भइरहेको प्रयासबारे सभामुख यादवले जानकारी लिन पुगेका सप्तरी पुगेका थिए ।
टोलीलाई राजविराजमै खाना खान आग्रह गरिएको थियो । तर, उनीहरुले त्यहाँ खाना नखाई राजविराजबाट २४ किलोमिटर पूर्व कोसी ब्यारेज गएर उक्त बन्द होटल खोल्न लगाएर खाना खाएका हुन ।
यता सप्तरीका प्रहरी प्रमुख एसपी कृष्ण प्रसाईंसँग यो घटनाले लकडाउनको अवज्ञा भएको भन्ने जिज्ञासा राख्दा प्रदेश सभाका सभामुख सप्तरी आएको जानकारी पाएको बताए । तर, उनीहरु कहाँ–कहाँ गए भन्ने आफूहरुलाई जानकारी नभएको बताएका छन ।
यो विषयमा आफ्नो प्रतिक्रिया दिनुहोस् !