एजेन्सी, चैत २६ गते । कोरोना भाइरसको महामारी रोक्न भारतमा जारी लकडाउनको अवधिमा जन्मिएका एक शिशुको नाममा नै लकडाउन राखिएको छ ।
हालै उत्तर प्रदेशको लखनउमा जन्म भएको सो शिशुको नाम उनका परिवारजनले लकडाउन अवधिमा जन्मिएको कारण नाम नै राखिएको बताएका छन ।
शिशुका पिता पवन निरालाले संचारकर्मीसँग कुरा गर्दै भने कोरोना भाइरसको महामारी रोक्न लकडाउन प्रमुख शक्तिशाली हतियार रहेको आफ्ना छोराको नाम लकडाउन निराला राखिएको बताए । उनका अनुसार छोरा लकडाउन जन्मदा ३.५ केजीका थिए र अहिले स्वस्थ छन् ।
गत ५ दिनअघि जन्मेको सो शिशुले नामले नै गर्दा अहिले भारत मात्र होइन अन्य देशमा पनि चर्चित भइसकेको छ । लकडाउन निरालाको यतिबेला भारतको टिभी र पत्रिकामा अत्यधिक चर्चा भइरहेको छ ।
भारतमा गत महिनाको मार्च २५ देखि २१ दिनसम्म लकडाउनको घोषणा गरिएको छ । कोरोना भाइरस ‘कोभिड १९’ को त्रासलाई मेटाउन अन्य देश जस्तै त्यहाँ पनि लकडाउन गरिएको हो ।
लकडाउनको घोषणापछि भारत पुरै ठप्प छ । सवारी साधन, अन्तर्रा्ष्ट्रिय र घरेलु हवाई सेवा, उद्योग, कारखाना सबै बन्द छन् । टाइम्स अफ इन्डिया
यो विषयमा आफ्नो प्रतिक्रिया दिनुहोस् !