जनकपुरधाम, चैत २५ गते । कोरोना भाइरसको रोकथाम एवं नियन्त्रणका लागि जारी लकडाउन अवधिमा थोक विक्रेताबाट नै कालोबजारी भइरहेको आरोप लगाइएको छ ।
लकडाउन अवधिमा कालोबजारी रोक्न स्थानीय प्रशासनले केही खुद्रा स साना व्यवसायीलाई नियन्त्रणमा लिई सक्रियता देखाएपनि कालोबजारी यथावतै रहेको छ ।
थोक विक्रेताहरु स्टक गरेर राखेका खाद्यय सामाग्री बढी मूल्यमा बचेको कारण खुद्रा व्यवसायीहरुले पनि महँगो दरमै बेचेकोमा प्रहरीले आफूहरुलाई पक्राउ गरेको जनकपुरधामका स्थानीय खुद्रा व्यवसायीहरुको आरोप रहेको छ ।
खुद्रा व्यवसायीहरु धमाधम पक्राउ पर्न थालेपछि बढी मूल्यमा सामान नलिने भनी सामाग्री नै किन्न छोडन थालेपछि टोल टोलमा रहेका खुद्रा पसलहरुमा खाद्यय सामाग्रीहरुको आभाव अहिले आभाव देखिएको छ ।
जनकपुरधाम बजारमा चिनी, चाउचाउ, चुरोट, गहुँको पिठो, खाने तेल, सोयाबीन, विस्कुट र मसाला लगायतका सामाग्रीहरु थोक विक्रेताले तोकिएको भन्दा बढी मूल्य लगाउँदा खुद्रा व्यवसायीहरु ती सामाग्री किन्न थालेपछि बजारमा कृतिम आभाव श्रृजना भएको छ । एक व्यवसायीका अनुसार लकडाउन अघि ३ सय ६० रुपैया प्रति कार्टुन ज्यापट चाउचाउको अहिले ४ सय रुपैया थोक विक्रेताले लिने गरेका छन ।
ज्याकपट चाउचाउ मात्र होइन अन्य चाउचाउ विस्कुटमा समेत थोक विक्रेता मूल्य बढाएको छ । त्यस्तै ७०/७२ रुपैयामा प्रतिकिलोका दरले विक्री वितरण हुँदै आएका चिनीको थोक विक्रेताहरुले खुद्रामा विक्री हुने रु ८० थोकमै लगाउने गरेको कारण बजारमा चिनीको कृतिम आभाव श्रृजना भएको छ ।
त्यस्तै प्रतिबन्धित गुटखा पान मसालामा समेत थोक विक्रेताहरुले डेढगुना मूल्य बढाएको छ । १७ सयमा विक्री हुने रजनीगन्धाको रु २५ सयसम्म र २ सय ४० मा विक्री हुने राजविनासको साढे तीन सय रुपैयासम्म चर्को मूल्य थोक विक्रेताले खुद्रा व्यवसायीसँग असुल गरिरहेका छन ।
जनकपुरधाम ४ का एक खुद्रा व्यवसायीले नाम नखुलाउने शर्तमा भने महँगोमा किनेपछि त महँगोमा नै बेच्छु, हामी घटा लगाएर त बेच्दैनौं, तर प्रहरी प्रशासनले कालोबजारीको प्रमुख माफिया थोक विक्रेताहरुलाई पक्राउ नगरी स साना व्यवसायी पक्राउ गरिरहेका छन ।
लकडाउनको फाइदा उठाउँदै थोक विक्रेताहरु पसल खोल्दैनन, आवश्यक परेको बेलामा फोन गरेर वा कुनै माध्यमले सम्पर्क गरी आवश्यक सामाग्री घरबाटै वा लुकाई छिपाई दिन्छ तर कुन वस्तुमा कति दाम लगाउँछ त्यसको बिल पनि दिदैन । यदि कुनै सामानको बढी मूल्य भो, भन्ने बितिकै सामानै दिदैन दुखेसो उनले सुनाए ।
यो विषयमा आफ्नो प्रतिक्रिया दिनुहोस् !