जनकपुरधाम, चैत २५ गते । उपचारका लागि भर्ना भएर प्रादेशिक अस्पताल जनकपुरधाबाट फरार भएकी महिलालाई प्रहरीले धनुषाको सपहीबाट प्रहरीले नियन्त्रणमा लिएको छ ।
भारत बिहारको झंझारबाट आएकी सिरहाको नरहा गाउँपालिका ३ निवासी ५५ वर्षिय शैला खातुनलाई कोरोना भाइरसको लक्षण देखिएपछि प्रादेशिक अस्पतालमा उपचार जनकपुरधाममा गत दुई दिनअघि भर्ना गरिएको थियो ।
आइसोलेशनमा उपचार राखि उपचार भइरहेको ती महिला मंगलवार बिहान अस्पतालबाट फरार भएकी थिइन । कोरोना शंकास्पद बिरामी अस्पतालबाट फरार भएको खबर बाहिरिए लगतै प्रहरीले ती महिलालाई सपहीबाट पुनः नियन्त्रणमा लिई अस्पताल पुरयाइएको जानकी प्रहरी चौकीले जनाएको छ ।
भारत विहारको झँझारपुरबाट एक सातापूर्व आएकी खातुनलाई सर्दी, खाँसी र ज्वरो समस्या आएपछि उनको छोराले घरमा बस्न दिएन । त्यसपछि उनी छोरी कहाँ गइन, तर छोरीले पनि घरमा बस्न दिएनन् । त्यसपछि आफूलाई थाहा भएपछि गत दुई दिनअघि उनलाई उपचारको लागि प्रादेशिक अस्पताल जनकपुरधाममा भर्ना गरिएको कुरा नरहा गाउपालिका ३ का वडाध्यक्ष अन्सुल अन्सारीले बताएका छन ।
वडाध्यक्ष अन्सारीले शैला खातुन अस्पतालबाट बेलुका तर्फ भागेको कुरा थाहा पाएपछि हामी स्थानीयस्तरमा खोजतलासमा जुटेको बताए । तर उनी सपहीमा भेटेको कुरा प्रहरीबाट थाहा पाएपछि अहिले गाउलेहरु पनि सतर्कता सहित ढुक्क भएको भने ।
यो विषयमा आफ्नो प्रतिक्रिया दिनुहोस् !