काठमाडौं, चैत २३ गते । विश्वभर कोरोनाभाईरस फैलिएपछि शक्तिशाली राष्ट्रहरुले चीनलाई कारवाही गर्न मांग गरेको छ ।
पछिल्लो पटक कोरोना भाइरस विश्वभरि फैलिएको विषयलाई लिएर अमेरिकापछि अब बेलायत र अष्ट्रेलिया पनि चीनविरुद्ध उभिएको छ ।
कोरोना भाईरसको उद्गमस्थल ‘वेट मार्केट’ लाई चीनले पुनः सुचारु गरेपछि अष्ट्रेलियन प्रधानमन्त्री स्कट मोरिसनले गम्भिर आपत्ति जनाउंदै चीनमाथि कारवाही गर्न संयुक्त राष्ट्रसंघसँग माँग गरेका छन् ।
वेट मार्केटमा समुन्द्री तथा जंगली जीवहरुको मासु बेचविखन गर्ने ठाउँ हो । यहीबाट गत डिसेम्बर महिनामा बिक्री गरिएको चमेरोको मासुबाट मानिसमा सर्ने कोरोना भाइरसको फैलिएको थियो । भाईरस सम्वन्धि अन्तर्रा्ष्ट्रिय विज्ञहरुले कुकुर, विरालो, चमेरो र अन्य जंगली जनावरहरुको मासु नखान तथा खरीदविक्री नगर्न दिदैं आएको सुझावलाई बेवास्ता गर्दै चीनले पुनः सो मार्केट खोलाएपछि अष्टे«लियन प्रधानमन्त्री चिन विरुद्ध जाइलागेका छन ।
एक स्थानीय रेडियोमा अन्तरर्वाता दिँदै मोरिसनले उक्त मार्केट खुल्ला रहेमा विश्वभरीको मानव समूदायको जीवन खतरामा पर्ने भन्दै उनले संयुक्त राष्ट्रसंघले चीनलाई कारवाही गर्नुपर्ने बताएका छन् ।
त्यस्तै, कोरोना भाइरविरुद्ध लड्ने चीनको तरिकालाई लिएर बेलायत पनि आक्रोशित बनेका छन । बेलायती प्रधानमन्त्री बोरिस जोनसन आफै कोरोना संक्रमित बनेपछि चीनविरुद्ध बेलायत क्रुद्ध बनेका हुन ।
एक बेलायती अधिकारीले भनेका छ कि कोभिड–१९ को संकट समाप्त भएपछि बेइजिंगसँग “हिसाब” लिइने छ । बेलायतका सरकारी अधिकारीहरूले चीनले उसको सीमाभित्र फैलिएको कोरोनाभाइरसको प्रकोपको गम्भीरताबारे तथ्यहरु लुकाएको भन्दै असन्तुष्टि जनाएको एक स्थानीय अखबार मेलले उल्लेख गरेको छ ।
उक्त अखबारका अनुसार वैज्ञानिकहरूले जोनसनलाई बताएका छन कि चीनले समयमै अन्तराष्ट्रियस्तरमा यसको प्रभाव बारे जानकारी गराएको भए आज यस्तो भयावह अवस्था होइन संक्रमितको संख्यालाई घटाउन सकिन्थ्यो र राष्ट्रहरु सचेत हुने थियो ।
चीनले हालसम्म ८१ हजार संक्रमित भएको मात्र स्वीकार गरेका छ । बेलायतका एक मन्त्री माइकल गोभले बीबीसीलाई भनेका छन चीनले सार्वजनिक गरेको तथ्यांकमा शंका गर्ने धेरै ठाउँ छ ।
उनले चीनमा कोरोनाभाइरसको पहिलो संक्रमित डिसेम्बरमै देखिएको थियो तर यसको मापन, प्रकृति र संक्रमणको गहिराईबारे चीनले स्पष्ट रुपले सही तथ्यांक अन्तराष्ट्रियस्तरमा जानकारी नगराएको आरोप लगाएका छन् । चिनियाँ सरकारले कोरोनाभाइरसबाट मात्र ३ हजार २ सय ४ जनाको मृत्युको खुलासा गरेको छ । तर रेडियो फ्रि एशियाका अनुसार वुहानमा अनुमानित ४२ हजार शवहरुको अन्त्येष्टि गरिएको छ ।
बेलायती अधिकारीहरूले यो भाइरससँग लड्न प्रयास गरिरहेका अन्य देशहरूलाई सहयोग प्रदान गर्दै चीनले आफ्नो आर्थिक शक्ति पनि विस्तार गर्ने कोशिश गरिरहेको आरोप लगाएको छ । उक्त अखबारले बेलायतका तीन अधिकारीहरूलाई उद्धृत गर्दै बेलायत सरकार चीनसँग क्रुद्ध बनेको उल्लेख गरेको छ ।
उनीहरुले कोरोनोको प्रभाव सकिएपछि चीनसँगको आफ्नो कुटनीतिक सम्बन्धको बारेमा पुनःबिचार गर्ने र हिसाव किताब लिने पनि बताएका छन् । उक्त अखबारले बेलायत सरकारले चिनियाँ टेलिकम कम्पनी हुवावेलाई बेलायतमा ५ जी वायरलेस नेटवर्कको विकास गर्न दिने निर्णयलाई समेत उल्ट्याउन सक्ने उल्लेख गरेको छ ।
बेलायती प्रधानमन्त्रीले युकेका प्रत्येक घरलाई पत्र लेख्दै कोरोना भाइरसको जोखिम रोक्न सामाजिक दूरीका नियमहरू पालना गर्न आग्रह गरेका छन् । पत्रमा उनले आफूमा कोभिड– १९ पोसिटिभ रहेको जानकारी दिँदै चाँडै सुधार आउने बताएका छन् ।
यो विषयमा आफ्नो प्रतिक्रिया दिनुहोस् !