जनकपुरधाम, चैत २१ गते । विश्वरभरि महामारीको रुपमा फैलिएको कोरोना भाइरस विरुद्ध गत सातादेखि जारी लकडाउनमा गरीब, असहाय, दलित र दैनिक ज्यालादारीमा काम गर्ने मजदूरका लागि वृहत्तर जनकपुर क्षेत्र विकास परिषद सहयोग हात बनेर अघि बढेका छन ।
लकडाउन जारी भएपछि खाना समस्या भएका गरीब, असहाय, दलित र दैनिक ज्यालादारी काम गर्ने मजदूरहरु परिवारलाई कोही पनि भोखै बस्न नपरोस भन्ने उद्देश्यले वृहत्तर जनकपुर क्षेत्र विकास परिषदले खाद्यान्न राहत वितरण कार्य जारी राखेका छन ।
शुक्रवार वृहत्तरले जनकपुरधाम उपमहानगरपालिका वडा नम्बर १० मा वडाध्यक्षको पहलमा ८० परिवारलाई चामल, दाल, आलू, प्याज, तेल, सोयाबीन, हात धुने साबून लगायतका खाद्यान्न राहत वितरण गरेको छ ।
यसअघि वृहत्तरले उपमहानगरपालिकाको वडा नम्बर १५, २०, ६ र ७ मा सयौं गरीब असहाय परिवारलाई राहत वितरण गरिसकेको छ । वृहत्तरका निर्देशक बलराम ठाकुरले हामीले जनकपुरधाम उपमहानगरपालिकाको वडाहरुको पहल र सम्वन्वयमा राहत वितरण भइरहेको र लकडाउन अवधिसम्म वितरण कार्य जारी रहने जनाएको छ ।
हुनत वृहत्तर अन्तर्गतको यात्री निवासमा दैनिक रुपमा राहत वितरण कार्य जारी रहेको छ । यात्री निवासमा कुनैपनि वडा वा कुनै पनि ठाउँका परिवारका व्यक्तिले राहत लिन पाउने गरी व्यवस्था गरिएको छ । पुर्ण व्यवस्थित रुपमा एक मीटरको दूरी कायम गर्दै सुरक्षाकर्मीका बीच सो ठाउँमा राहत वितरण कार्य भइरहेको देखिएको छ ।
यसका साथै वृहत्तरले उपमहानगरपालिका सहित जिल्लाका विभिन्न स्थानमा मास्क वितरण र हात धुनका लागि साबून पानीको व्यवस्था गरेको छ । वृहत्तरले कोरोन विरुद्ध लडन सचेतनाका लागि धनुषा र महोत्तरीको विभिन्न ठाउँमा जनचेतनामूलक सूचना पर्चा पम्पलेट, रेडियो जिंगल र माइकिंग गर्दै प्रचार प्रसार गर्दै आएको छ ।
प्रदेश नं. २ का राजधानी समेत रहेको जनकपुरधाम सहित धनुषा र महोत्तरी जिल्ला उच्च जोखिमको अवस्थामा रहेको कारण कोरोना भाइरस चेकजाँचका लागि विशेषज्ञ र चिकित्सक राखेर चाँडै नै कोरोना हेल्थ क्लिनिक समेत जनकपुरधाममै संचालन गर्ने तयारी भइरहेको जानकारी निर्देशक ठाकुरले जानकारी दिए ।
साथै उनले यस विपत र संक्रमणकालिन अवस्थामा कोरोनाबाट लड्न लकडाउनको पालना आमनागरिकलाई अनुरोध गर्दै लकडाउनमा मार्कामा परेका गरी असहायलाई सहयोग गर्न अन्य संघ संस्थाहरुलाई समेत आग्रह गरेका छन ।
यो विषयमा आफ्नो प्रतिक्रिया दिनुहोस् !