जनकपुरधाम, चैत २० गते । जनकपुरधाम स्थित जनकनन्दनी एफएम ९५.५ मेगाहर्जले कोरोना भाइरसको रोकथाम एवं नियन्त्रणका लागि जारी लोकडाउनको मध्यनजर गर्दै विज्ञापनदातालाई एक महिनाको रकम छुट र कर्मचारीलाई एक महिनाको थप तलब दिने भएको छ ।
भाईरसको महामारीका कारण नेपाल सरकारले गरेको लकडाउनले गर्दा उद्योग व्यवसाय तथा वित्तिय संस्थाहरु संचालन हुन नसक्दा तिनीहरु मार्कामा परेको हुनाले जनकनन्दनी एफएमले रेडियोबाट प्रसारण भईरहेका विज्ञापनहरुको विज्ञापनदातासँग एक महिनाको छुट गर्ने निर्णय गरिएको एफएमका संचालनका अर्जुन मण्डलले बताएका छन ।
जनकनन्दनी एफएमबाट अहिले करिव एक सय विज्ञापनहरु प्रसारण भईरहेको छ,उनले भने,’करिव चार हजार रुपैयाँको दरले सरदरमा जोड्दा एक सय विज्ञापनको जम्मा रकम चार लाख हुन् जान्छ । यस्तो संकटको समयमा यो चारलाख रुपैयाँ मैले आफ्ना विज्ञापनदातालाई मिनाहा गर्दा मलाई अत्यन्त गौरवान्वित महसुस संचालक मण्डलले भने ।
विज्ञापनदाता सँग विज्ञापन शुल्क छुट संगै एफएममा कार्यरत कर्मचारीहरुलाई लकडाउन अवधिमा काम गर्न प्रोत्साहन स्वरुप एक महिनाको थप तलब दिने पनि गरिएको उनले जनाए ।
लकडाउन अवधिमा कर्मचारीहरुलाई अन्य श्रोतको आय आर्जन हुन नसक्ने अवस्थामा पनि एफएममा इमान्दारितापूर्वक फिल्ड र कार्यालयमा इमान्दारितापुर्वक जोखिम मोल लिएर पनि काम गरिरहेकोले उनीहरुको कामको कदर गर्दै प्रोत्साहन स्वरुप एक महिना काम गरेवापत दुई महिनाको तलब दिनेछु कुरा लोकपुकारसँग कुरा गर्दै बताए ।
यो विषयमा आफ्नो प्रतिक्रिया दिनुहोस् !