जनकपुरधाम, चैत १६ गते । नेपालमा कोरोना भाइरस संक्रमित शंकास्पद एक युवकको मृत्यु भएको छ ।
प्राप्त जानकारी अनुसार कोरोना भाइरस (कोभिड १९) संक्रमणको लक्षण देखिएका रूपन्देहीमका एक युवकको आइतबार मृत्यु भएको हो । बुटवलस्थित कोरोना विशेष अस्पतालमा उपचाररत ३४ वर्षीय युवकको मृत्यु भएको अस्पतालका फोकल पर्सन सुदर्शन थापाले जानकारी दिएका छन ।
ती युवक दुबईबाट चैत ६ गते नेपाल आएका थिए, कोरोना भाइरसको लक्षण देखिएपछि उनलाई उपचारका लागि अस्पतालमा भर्ना गरियो र उपचार अवस्थामै आइतबार अपराह्न मृत्यु हुन गएको फोकल पर्सन थापाले संचारकर्मीहरुलाई जनाएको छ ।
ज्वरो आएपछि उनलाई उक्त अस्पतालको आइसोलेसनमा राखेर उपचार गरिरहेको उनको नमुना भने परीक्षणका लागि काठमाडौंस्थित टेकु अस्पताल पठाइएको र त्यसको नजिता भोली सोमवार आउने छ सोही क्रममा मृत्यु हुन गएको हो ।
दुबईमा ट्याक्सी चालकको काम गर्दै आएको थियो । ती युवक चैत ६ गते काठमाडौं आएका थिए। चैत ७ गते मेडिकलमा उपचार गराइरहेका ती युवकमा कोभिड १९ को लक्षण देखिएपछि उनलाई १३ गते कोरोना विशेष अस्पतालमा भर्ना गरिएको थियो ।
नेपाल भरी कोरोना भाइरसबाट संक्रमित हुनेहरुको संख्या ५ पुगिसकेको छ । यता प्रदेश २ मा भाइरसको संक्रमणको आशंकामा क्वारेन्टाइनमा राख्नेहरुको संख्या समेत बढ्दै गई रहेको छ ।
यो विषयमा आफ्नो प्रतिक्रिया दिनुहोस् !