जनकपुरधाम, चैत १५ गते । विश्वभरि महामारीको रुपमा फैलिएको कोरोना भाइरसका उच्च जोखिममा रहेका प्रदेश २ लाई चेकजाँच उपचार सहितका आवश्यक सामाग्री उपलब्ध गराउन संघीय सरकारसँग समाजवादी पार्टीका नेता शेषनारायण यादवले आग्रह गरेको छ ।
शनिवार एक प्रेस विज्ञप्ति जारी गर्दै नेता यादवले प्रदेश २ अत्यधिक वैदेशिक रोजगारमा रहेका व्यक्ति र खुल्ला सिमानाका रहेको क्षेत्र रहेको कोरोना भाइरसका उच्च जोखिममा रहेको छ । प्रदेशमा शंकास्पद बिरामी भेटने क्रम बढदै गएको अवस्थामा पिपिई, पिसीआर, किट, मास्क लगायतका अन्य उपचार सामाग्रीको आभाव रहेको छ ।
उच्च जोखिममा रहेका यस प्रदेशलाई सम्भावित दुर्घटनाबाट जोगाउन आवश्यक संख्यामा उपचार सामाग्री यथासम्भव उपलब्ध गराउन उनले मांग गरेका छन । उनले प्रदेश सरकारले आफ्नो तर्फबाट हुन सक्ने तयारीमा जुटेपनि आवश्यक सामाग्री उपलब्ध नभइरहेकोले केन्द्रिय सहयोग तत्काल उपचार सामाग्री सहितका अन्य सहयोग गर्नुपर्ने विज्ञप्तिमा भनेको छ ।
हुनत प्रदेश सरकारले विभिन्न अस्पतालमा आइसोलेशन र जिल्लाका विभिन्न स्थानमा क्वारेन्टाईनको व्यवस्था गरेपनि उपचार सहितका आवश्यक सामाग्रीको आभावमा चेकजाँच र उपचारमा समस्या हुने गरेकोले केन्द्र सरकारको सहयोग अपरिहार्य रहेको छ ।
साथै उनले विश्व स्वास्थ्य संगठनले नेपाललाई अति संवेदशनशील तथा उच्च जोखिमको सूचीमा राखेको छ । नेपालभित्र खुल्ला सीमानाका र अत्यधिक वैदेशिक रोजगार व्यक्तिको क्षेत्र रहेको प्रदेश २ अन्य प्रदेशको तुलनामा उच्च जोखिममा रहेको दाबी गरेका छन ।
कोरोना भाइरसको रोकथाम एवं नियन्त्रणका लागि विश्व स्वास्थ्य संगठनले निर्देशित गरेको उपायहरु नमस्कार गर्ने, साबून पानीले हात धुने, सेनिटाइजर र मास्कको प्रयोग, भीडभाडमा नजाने, वैदेशिक रोजगार वा संक्रमित क्षेत्रबाट आएका व्यक्तिको सम्पर्क नजाने, तीन फिटको दूरी कायम गर्ने लगायतका उपाय अवलम्बन गर्ने र लक्षण देखिएमा तत्काल स्वास्थ्य संस्थामा सम्पर्क गर्न आम नागरिकलाई आग्रह समेत गरेका छन ।
समाजवादी पार्टीको मधेश प्रदेशका सचिव समेत रहिसकेका नेता यादवले कोरोना भाइरसको चेनलाई तोड्न नेपाल सरकारले जारी गरेको लकडाउनलाई सफल पार्न सबैलाई घरमै बस्ने र अत्यावश्यक काम बाहेक बाहिर न निस्किने आग्रह पनि गरेको छ ।
खासगरी ग्रामीण भेगका जनताले सामूहिक रुपमा बस्ने, भेला हुने, खेतीपाती गर्न जाने लगायतका काम गर्दै आएकोमा कोरोना भाइरसको चेनलाई तोड्न सफल हुन नसक्ने भएको हुनाले यस्ता गतिविधिलाई तत्काल रोक्न सम्बन्धित निकाय र आमनागरिक सँग अनुरोध समेत उनले गरेका छन ।
यो विषयमा आफ्नो प्रतिक्रिया दिनुहोस् !