जनकपुरधाम, चैत १५ गते । प्रादेशिक अस्पताल जनकपुरधामले आइतवारदेखि सबै सेवा बन्द गरी कोरोना भाइरस सँग सम्बन्धित बिरामीको चेकजाँच उपचार मात्र गर्ने भएको छ ।
विश्वभर फैलिएको कोरोना माहामारी रोकथाम तथा नियन्त्रण गर्न हालका लागि इमरजेन्सी सेवा बाहेक सबै बन्द गरी भाइरल फिवर, रुखा खोकी, स्वाँसमा समस्या लगायतका कोरोना सँग सम्बन्धित बिरामीहरुको उपचार मात्र गरिने अस्पतालले जनाएको छ ।
आइतवार अस्पतालको बसेको आकस्मिक बैठकबाट तत्कालका लागि अन्य सबैलाई मर्ज गरी इमरजेन्सी सेवा बाहेक मात्र भाइरल फिवर क्लिनिकको रुपमा संचालन गरिने निर्णय गरिएको प्रादेशिक अस्पताल जनकपुरधाम विकास समितिका अध्यक्ष संजय सिहले बताएका छन ।
उनले अस्पतालसँग सम्बन्धित सम्पूर्ण चिकित्सक, स्वास्थ्यकर्मीलगायत, प्रशासनिक कर्मचारीहरुको रिजर्भ पुल निर्माण गरिको छ । ‘जनकपुर नर्सिङ क्याम्पस, पोषण पुनस्र्थापना गृह, एआइटी सेन्टर, सम्पूर्ण वार्ड तथा अन्य सबै तहका चिकित्सक, पारामेडिक्स, प्रशासनिक कर्मचारीलगायत कार्यालय सहायक तथा स्वीपरहरुलाई रिजर्भ पुल अन्तर्गत राखिएको जानकारी दिए ।
कोरोना भाइरसको प्रकोप बढेपछि दैनिक हजारौको संख्यामा भीड लाग्ने सो अस्पतालमा चिकित्सकहरुको उपचार नगर्ने गरेको कारण बिरामीहरुको संख्यामा कमी भएको आरोप बारे अध्यक्ष सिंहले सेवा सुविधामा कमीको कारण होइन कोरोना भाइरसको त्रासले गर्दा अन्य बिरामी आफै नआउने गरेको बताए ।
अस्पताल व्यवस्थापन पक्षले चेकजाँचको पीपीई व्यक्ति सुरक्षा सामाग्री आभावमा चेकजाँचमा चिकित्सकहरुले हेल चक्रयाई गरेको आरोपमा मेडिकल सुपरिडेन्ट डा नागेन्द्र यादवले हामीले सामाग्री आभाव भएपनि इमरजेन्सीमा सबै सुविधा दिई नै रहेका छौं, र आइतवारदेखि सम्पूर्ण कर्मचारीहरुलाई अस्पतालमा अनिवार्य रुपले उपस्थित हुन उनले निर्देशन दिइसकेको बताए ।
अध्यक्ष सिंह र मेसु यादवले जे भनेपनि तर उपस्थित अस्पतालका बिरामीहरुको अनुसार कोरोना भाइरसको त्रास फैलिएपछि अस्पतालको ओपीडी विभागमा चिकित्सकहरु बस्न छाडेका छन । इमरजेन्सी सेवामा समेत चिकित्सकहरु बिरामीलाई नछुने गरी मुखैले सोधेर उपचार गर्ने गरेको र ल्याब टेस्टका लागि स्वास्थ्यकर्मी समेत आनाकानी गर्दै आएको छ ।
यो विषयमा आफ्नो प्रतिक्रिया दिनुहोस् !