जनकपुरधाम, धनुषा प्रहरीले जनकपुरधामबाट लकडाउनको मौकाछोपी कालोबजारी गर्ने ११ व्यवसायीलाई पक्राउ गरेको छ ।
जिल्ला प्रहरी कार्यालय धनुषाबाट खटिएको अनुगमन टोलीले ग्याँस, आलु, प्याज र रिचार्ज काड समेतको कालोबजारी गर्ने ११ जना व्यापारीलाई बिहीवार पक्राउ गरेको हो ।
ग्यास कालोबजारी आरोपमा जनकपुरधाम -४ वस्ने वर्ष १९ का कुनदन कुमार साह, रिचार्ज कालोबजारी आरोपमा जनकपुरधाम .४ वस्ने वर्ष २६ का बिकाश कुमार महतो छन् । पक्राउ पर्नेमा सबभन्दा बढी आलु र प्याज व्यवसायी छन् ।
आलु र प्याजको कालोबजारी आरोपमा प्रहरीले जनकपुरधाम उपमहानगरपालिका १६ कपिलेश्वर वस्ने वर्ष ५२ को राम अनुठ ठाकुर, वडा १२ बस्ने वस्ने वर्ष ३५ का जित साह , वडा -४ वस्ने वर्ष ५० का विनोद कुमार साह, वर्ष ४८ का कुशेश्वर चौधरी, वडा -७ वस्ने वर्ष २८ का अजय साह, वर्ष २४ का प्रविन साह , वडा ४ बस्ने वर्ष ४३ का राज किशोर यादव, वडन नं. १ वस्ने वर्ष ३१ का गुलजार शेख र वर्ष ३१ का प्रमोद साहलाई पक्राउ गरेको हो ।
उनीहरूले आलु प्रति किलो ६० र प्याज प्रति किलो ८० बेचिरहेका बेला पक्राउ परेका हुन् भने प्रति सिलिन्डर ग्यास १७००।- र रु. ५० को रिचार्ज कार्ड रु. ६० मा बेचि रहेको अवस्थामा साह र महतोलाई पक्राउ गरिएको जिल्ला प्रहरी कार्यालय धनुषाले जनाएको छ ।
यसअघि मंगलबार पनि आलु प्याजको कालोबजारी गर्ने ३ व्यवसायीलाई प्रहरीले पक्राउ गरेको थियो ।
यो विषयमा आफ्नो प्रतिक्रिया दिनुहोस् !