जनकपुरधाम, धनुषा चेम्बर अफ कमर्सले बढदै गएको कोरोना भाइरसको दृष्टिगत गर्दै अत्यावश्यक सेवा बाहेकका सबै व्यवसाय र प्रतिष्ठान बन्द गर्न आग्रह गरेको छ ।
चेम्बर अफ कमर्सले आइतवार एक प्रेस विज्ञप्ति जारी गरी आफू पनि जोगौ र अरुलाई पनि जोगाऔं उद्देश्यले अत्यावश्यक खाद्यान्न सामाग्री, औषधी र एलपीजी ग्यास बाहेकका अन्य सबै पसल, उद्योग व्यवसाय पुर्ण रुपमा बन्द (लकडाउन) गरी एक अर्कालाई सुरक्षित र स्वस्थ्य राख्न व्यवसायीहरुलाई आग्रह गरेको छ ।
साथै अत्यावश्यक खाद्यान्न, औषधी र एलपीजी ग्यासको कालोबजारी नगरी नगर्न दिई आवश्यक सर्तकता एवं सुरक्षा अपनाई इमानदारीपुर्वक सेवा दिन आग्रह पनि गरेको छ ।
विज्ञप्तिमा सरकारको हरेक निर्देशन र निर्णयमा चेम्बर अफ कमर्सको समर्थन रहने जनाउंदै चैत १० गतेदेखि २१ गतेसम्म आ आफ्नो प्रतिष्ठान बन्द गरी सेल्फ क्वारेन्टाइनमा बस्न आग्रह गरिएको छ । साथै यस्तो विषम परिस्थितिमा कुनैप्रकारको भ्रामक समाचार, समाजिक संजालमा भयत्रासको वातावरण श्रृजना गर्ने पोष्ट नगर्न गराउन आग्रह पनि गरेको छ ।
यसको साथै चेम्बर अफ कमर्सले सामाजिक सदभाव कायम राखि कोरोना भाइरस विरुद्धको अभियानमा सहयोग गर्नुका साथै संक्रमणबाट बच्ने उपायको अवलम्बन र व्यापक प्रचार प्रसार गर्न अनुरोध गरेको छ ।
यो विषयमा आफ्नो प्रतिक्रिया दिनुहोस् !