काठमाडौ, कोरोना भाइरसको महामारी फैलिंदै गएको दृष्टिगत गर्दै भारत र श्रीलंकामा कफुर्य घोषणा गरिएको छ ।
भारतीय प्रधानमन्त्री नरेन्द्र मोदीले शुक्रवार देशवासीको नाममा सम्बोधन गर्दै “जनता कफ्र्यु” को घोषणा गरेका हुन ।
जनताको हितका लागि रहेको भन्दै उक्त कर्फ्यूलाई ‘जनता कर्फ्यू’ नाम दिइएको हो । सम्बोधनको क्रममा प्रधानमन्त्री मोदीले ‘जनताको, जनताद्वारा, जनताका लागि लगाइएको कर्फ्यू’ भनेका थिए ।
आगामी आइतबारदेखि बिहान ७ देखि राति ९ बजे सम्मका लागि सो कफ्र्यु जारी गरिएको हो । सम्बोधन गर्दै मोदीले भने ‘जे सुकै काम भएपनि न निस्कनु, अत्यावश्यक भएपनि घरबाटै काम गर्नुहोला, हामीले आफू संक्रमित हुनबाट आफैँ जोगिने संकल्प गरौं’ । भारतमा १ सय ९१ जना संक्रमित रहेका छन भने कम्तिममा आधा दर्जन व्यक्तिको मृत्यु भइसकेको छ भने केहीको निको पनि भएको छ ।
त्यस्तै श्रीलङ्काले पनि कोरोनाको प्रभावबाट बच्न शुक्रबार बेलुका ६ बजेदेखि आउँदो सोमबार बिहान ६ बजेसम्मका लागि ६० घण्टा समयावधिको कर्फ्यु आदेश जारी गरेको छ ।
आउँदो वैशाख १३ गते तय भएको संसदीय चुनाव स्थगित गरिएको भोलिपल्ट सरकारले कर्फ्यु लगाउन आदेश जारी गरेको हो । यसअघि राष्ट्रपति गोताबाया राजपक्षले चुनाव सार्नुको पछाडि कुनै कारण नभए पनि कोरोना भाइरस (कोभिड–१९) को सङ्क्रमण फैलिने डरले चुनाव सारिएको अन्तर्रा्ष्ट्रिय सञ्चारमाध्यमले जनाएका छन् ।
पछिल्ला केही दिनमा श्रीलङ्कामा कोरोना भाइरस (कोभिड–१९) को सङ्क्रमणको दरमा वृद्धि देखिएको छ । पछिल्लो तीन दिनमा सङ्क्रमितको सङ्ख्या दुई गुणाले बढेको हो ।
श्रीलंकामा ६० जनामा कोरोना संक्रमण भएकोमा ३ जना उपचारपछि निको भएका र अहिले ५७ जना उपचाररत अवस्थामा रहेको छ ।
यो विषयमा आफ्नो प्रतिक्रिया दिनुहोस् !