जनकपुरधाम, अवैध घरेलु मदिरा सेवनले धनुषामा थप दुई जनाको मृत्यु भएको छ ।
आइतवार बिहान धनुषाको लक्ष्मिनिया गाउँपालिका र जनकपुरधाम उपमहानगरपालिका १/१ को मृत्यु भएको छ भने करीब दुई दर्जन सिकिस्तलाई उपचारका लागि प्रादेशिक अस्पताल जनकपुरमा प्रहरीले पठाएको छ ।
स्थानीयका अनुसार लक्ष्मिनियाँ ३ का विश्वनाथ यादव र जनकपुरधाम उपमहानगरपालिका ७ का जितेन्द्र सादाको मृत्यु भएको छ । तिनीहरु अवैध मदिरा सेवनले एक हप्तादेखि बिरामी रहदै आएको थियो, समयमा उपचार हुन नसकेको कारण मृत्यु हुन गएको हो ।
एक साता भित्र अवैध घरेलु मदिरा सेवनले धनुषाको क्षिरेश्वरनाथ नगरपालिका रमदैयामा १४, लक्ष्मिनियाँ गाउँपालिका ३ मा १ र जनकपुरधाम उपमहानगरपालिकामा ४ जना गरी १९ जनाको मृत्यु भइसकेको छ भने आधा दर्जनभन्दा बढी रमदैयाका सिकिस्तहरुको उपचार जानकी मेडिकल कलेज अन्तर्गतको सिटी अस्पतालमा उपचार भइरहेको छ ।
यसैबीच संघीय सांसद एवं नेकपा स्थाय कमिटी सदस्य रघुवीर महासेठले रमदैयामा १४ जना मृतक परिवारलाई क्रिया खर्चका लागि राहत स्वरुप २०/२० हजार रुपैया सहयोग गरेका छन ।
सांसद महासेठको निर्वाचन क्षेत्र समेत रहेका हुनाले उनी घटनास्थल गाउँमै पुगेर पीडीत परिवारहरुलाई सान्तवाँ दिदै सो राहत स्वरुप सो रकम सहयो गरेका हुन । संचारकर्मीसँग कुरा गर्दै उनले भने अवैध मदिरा विक्री वितरण रोक्न आफ्नो तर्फबाट हरसम्भ प्रयास गर्नेछु । यसका साथै उनले गाउँवासीहरुलाई मदिरा सेवन नगर्न÷गराउन आग्रह समेत गरेका छन ।
अवैध घरेलु मदिरा सेवन गर्दा रमदैया २ का ब्रम्ह्देव यादव, रामविलास मण्डल, गुदर महरा, रामसखी सदा, श्रीदेव यादव, इन्द्रजित महरा, शत्रुधन मण्डल र वडा नम्बर १ का राम नारायण महरा, राजु महरा, राम बहादुर यादव, भुटकुन सदा, विजय सदा, दशैंया महरा र निरस यादवको मृत्यु भएको थियो ।
त्यसैगरी जनकपुरधाम जनकपुरधाम उपमहानगरपालिका ७ मुसहरी टोलका बनारसी देवी सादा, झगरु सादा, मिथिला सादा र जितेन्द्र सादाको मृत्यु भएको छ ।
यो विषयमा आफ्नो प्रतिक्रिया दिनुहोस् !