काठमाडौ, प्रदेश २ लाई विशेष प्रदेश घोषणा गर्न मांग गर्दै संघीय संसद प्रतिनिधि सभामा सार्वजनिक महत्वको प्रस्ताव दर्ता गराइएको छ ।
सत्तारुढ नेपाल कम्युनिष्ट पार्टी (नेकपा) का सांसद प्रभु साहले दर्ता गराएको सो प्रस्तावमा प्रमुख प्रतिपक्ष दल नेपाली कांग्रेसका सांसद अमरेशकुमार सिंह, समाजवादी पार्टीका उमाशंकर अरगरिया र राजपा नेपालका लक्ष्मणलाल कर्णको समर्थन जनाएको छ ।
प्रस्तावमा नेपालको प्रतिव्यक्ति आय १ हजार ४ अमेरिकन डलर रहेकोमा यस क्षेत्रका नागरिकको औसत आय अमेरिकन डलर ५ सय ७० मा सिमित रहनुपरेको छ, सबैभन्दा डरलाग्दो तथ्यांक यो छ कि, यस क्षेत्रको मृत्युदर पनि क्रमिक रूपमा बढ्दै गइरहेको भनिएको छ ।
संघीय शासन प्रणाली लागू भए पश्चात नेपाल सरकारबाट घोषित नीति तथा कार्यक्रम अनुसार प्रदेश सरकारलाई प्राप्त अनुदान रकम खर्च हुन नसकी फ्रिज हुने क्रममा जारी नै छ, एक आर्थिक वर्षमा फ्रिज भएको रकम अर्को आािर्थक वर्षमा थप पठाउने अभ्यास नरहेको प्रस्तावमा उल्लेख छ ।
जातीय विभेद, गरिबी तथा पछौटेपनको रोगबाट आक्रान्त प्रदेश २ का नागरिकले मुक्ति पाउन नसकेको जनाउँदै सो प्रदेशका नागरिकको आयु वृद्धिका लागि आधारभूत स्वास्थ्य, शिक्षा र रोजगारी बढाउन पहल गर्नुपर्ने प्रस्तावमा भनिएको छ ।
आर्थिक र समाजिक रुपमा पछाडि परेका क्षेत्र र समुदायलाई विशेष अवसर तथा लाभ उठाउने अधिकार सुनिश्चित गरेको संविधानको मौलिक हक अनुरुप सबै भन्दा पछाडि रहेको प्रदेश नं. २ लाई विशेष दर्जा प्रदान गर्न लगायतका कुरा छलफलका कारणहरु रहेको प्रस्तावमा उल्लेख छ ।
साहले दर्ता गराएको सार्वजनिक महत्वको प्रस्ताव :
यो विषयमा आफ्नो प्रतिक्रिया दिनुहोस् !