लोक समाचारदाता
जनकपुरधाम, फागुन २६ गते ।
मिथिलाञ्चलको महाकुम्भ मानिने नेपाल भारतको सद्भावको रुपमा रुपमा रहेको १५ दिने मिथिला माध्यमा परिक्रमा सम्पन्न भएको छ ।
फागुन औंसीको दिन धनुषाको ठेरा कचुरीबाट मिथिला बिहारीको डोला तथा जनकपुरको अग्नीकुण्डबाट किशोरीजीको डोला सहित माध्यमिकी परिक्रमा शुरु भएको मिथिला मध्यमा सोमवार फागु पुर्णिमाको दिन जनकपुरधामको अन्तरगृह परिक्रमामा परिणत भई परिक्रमा सम्पन्न भएको छ ।
अन्य वर्ष जस्तै परिक्रममा यस वर्ष पनि नेपाल भारतका लाखौं संख्यामा श्रद्धालुभक्तजनको परिक्रमामा सहभागिता रहेको थियो । भगवान रामजानकीको डोलासँगै परिक्रमा गर्दा विभिन्न प्रकारका रोग, दुःख, कष्ट कलेशबाट मुक्ति एवंम नोवाञ्छित फल प्राप्त हुने धार्मिक जनविश्वास रहेको छ ।
नेपाल र भारतको सीमाक्षेत्रका जनताबीच सामाजिक तथा धार्मिक सद्भावका लागि अति नै महत्वपूर्ण मानिएको यो परिक्रमाको क्रममा नेपालका १३ र भारतको २ गरी जम्मा १५ वटा विश्रामस्थलहरुमा परिक्रमाबासीले विश्राम गर्ने गर्छन । जम्मा १ सय ३३ किलोमिटर पैदल यात्रा गर्ने परिक्रमा बासीहरु यस अवधिभरीको लागि आफ्नो गांस, बांस र कपासको व्यवस्था गरेर परिक्रमा गर्ने गर्छन ।
१५ दिने परिक्रममा अन्तर्गत क्रमश जनकपुरको हनुमान नगर, विहारको कलना स्थित कल्यानेश्वर,भारतकै फुलहर स्थित गिरिजा स्थान, महोत्तरीको मठिहानी, जलेश्वर, मडैई,धुव्रकुण्ड, कञ्चनवन,पर्वता, धनुषाधाम, सतोखर, औरही, करुण (भारत),विसौल (भारत) र यात्राको अन्तिम दिन अर्थात १५ औ दिन जनकपुरको अन्तरगृहपरिक्रम गरि मध्य परिक्रमा सम्पन्न हुने गर्दछ ।
पन्ध्र दिने मिथिला माध्यमिकी परिक्रममा सहभागि नहुने अधिकांश श्रद्धालु भक्तजनहरु अन्तिम दिन जनकपुरको अन्तरगृह परिक्रममा सहभागि हुने गर्दछन् । नेपालको धनुषा, महोत्तरी, सर्लाही, सिरहा, सप्तरी लगायत भारत बिहारको सितामढी, मधुबनी, दरभंगा र अयोध्या सहितका स्थानबाट लाखौ श्रद्धालु भक्तजन तथा साधुसन्तहरु परिक्रममा सहभागि हुदै आएको छ ।
पक्रिमाको क्रममा रात्रि विश्राम गरिने १५ वटै स्थलहरुमा स्थानीयहरुले मेलाको आयोजन गर्ने गर्दछन् । स्थानीयहरुले सांकृति कार्यक्रमहरुसमेत अयोजन गर्ने गर्दछन् भने पुन्य कमाउन एवं सेवा दिन विभिन्न संघ संस्था एवं व्यक्तिहरुले निःशुल्क भोजन , स्वास्थ्य शिवीर र आवासको व्यवस्था गर्ने गर्दछन् ।
यो विषयमा आफ्नो प्रतिक्रिया दिनुहोस् !