लोक समाचारदाता
जनकपुरधाम, फागुन २३ गते ।
प्रदेश २ का मुख्यमन्त्री तथा मन्त्रिपरिषद कार्यालयको निमित प्रमुख सचिवको जिम्मेवारी रुपेश कुमार साहलाई दिइएको छ ।
मुख्यसचिव रामकृष्ण सुवेदी विदामा काठमाडौं गएपछि उपसचिव पदमा कार्यरत साहलाई प्रमुख सचिवको जिम्मेवारी दिइएको कुरा मुख्यमन्त्री कार्यालय श्रोतले जनाएको ।
प्रमुख सचिव सुवेदीले साहलाई लिखित रुपमा जिम्मेवारी दिएर विदामा गएको श्रोतको भनाई छ । साह मुख्यमन्त्री तथा मन्त्रिपरिषदको कार्यलयमा कार्यरत एक वर्षदेखि रहेका छन ।
प्रदेशका विभिन्न मन्त्रालयमा सचिवको जिम्मेवारीमा रहेपनि प्रदेशको मुख्यमन्त्री तथा मन्त्रिपरिषद कार्यालयको प्रमुख सचिवको जिम्मेवारी पाउने साह पहिलो मधेशी कर्मचारी हुन ।
यो विषयमा आफ्नो प्रतिक्रिया दिनुहोस् !