काठमाडौ, फागुन १७ गते ।
चीनबाट सुरु भएको कोरोना भाइरसबाट विश्वभरमा हालसम्म ८३ हजार ६ सय ५२ जना संक्रमित भएको नयाँ तथ्याङक सार्वजनिक भएको छ जमा नयाँ १३ सय ५८ रहेको छ ।
विश्व स्वास्थ्य संगठनले बिहीबार सार्वजनिक गरेको तथ्याङक अनुसार चीनमा ३ सय ३२ जना नयाँसहित ७८ हजार ९ सय ६१ जनामा संक्रमणको पुष्टि भइसकेको छ । त्यस्तै ४४ जना नयाँसहित चीनमा मात्र २ हजार ७ सय ९१ जनाको ज्यान गइसकेको छ ।
चीनभन्दा बाहिर ५ नयाँसहित ५१ देशका १ हजार २७ नयाँसहित ४ हजार ६ सय ९१ जनामा संक्रमणको पुष्टि भइसकेको छ । चीनभन्दा बाहिरका यी देशहरुमा हालसम्म १० नयाँसहित ६१ जनाले ज्यान गुमाइसकेका छन् ।
विश्व स्वास्थ्य संगठनका अनुसार चीन विश्वव्यापी तथा क्षेत्रीय रुपमा अति उच्च जोखिममा रहेको छ भने यो रोग विस्तारै अरु देशमा पनि फैलङ्गदै गएकाले विश्वव्यापी रुपमै सबैले सतर्क भने रहनुपर्ने भएको छ ।
यो विषयमा आफ्नो प्रतिक्रिया दिनुहोस् !