लोक समाचारदाता
जनकपुरधाम, फागुन ७ गते ।
प्रदेश २ का मुख्यमन्त्री लालबाबु राउतले आजको संघीय लोकतान्त्रिकको गणतन्त्र व्यवस्थाको प्रमुख श्रेय २००७ सालको प्रजातन्त्र व्यवस्थाको रहेको बताएका छन ।
बुधवार ७० औ प्रजातन्त्र दिवसको अवसरमा प्रदेश सरकारले आयोजना गरेको कार्यक्रममा मुख्यमन्त्री राउतले प्रजातन्त्र एवं संघीय लोकतान्त्रिक गणतन्त्रको लागि वलिदानी दिएका शहीदहरु प्रति श्रद्धाञ्जली अर्पण गर्दै प्रजातन्त्र दिवस संघीय लोकतान्त्रिक गणतन्त्रको पहिलो पाइला रहेको भने ।
लोकतन्त्रको उच्चतम विन्दु संघीय लोकतान्त्रिक गणतन्त्र आइ सकेको अवस्थामा विर शहीद एवं योद्धाहरुले देखेको समृद्धि र विकासको सपना पुरा गर्ने जिम्मा जनप्रतिनिधि र राष्ट्रसेवक कर्मचारीहरुको काँधमा आएको उल्लेख गर्दै उनले इमान्दारिताका साथ काम गर्नु आजको प्रमख आवश्यकता रहेको बताए ।
उनले मधेश आन्दोलन सहित विभिन्न आन्दोलनको क्रममा आन्दोलनकारीहरुमाथि लगाईका झुठा मुद्दाका कारण जेल जिवन यापन गरिरहेका योद्धाहरुको मुद्दा फिर्ता लिन संघीय सरकार संग आग्रह समेत गरे ।
कार्यक्रममा भौतिक पूर्वाधार विकास मन्त्री जितेन्द्र सोनल, उद्योग पर्यटन वन तथा वातावरण मन्त्री राम नरेश राय, समाजिक विकास मन्त्री नवल किशोर साह, प्रमुख सचिव रामकृष्ण सुवेदी, जनकपुर उपमहानगरका उपप्रमुख रिता मिश्र सहितको उपस्थिति रहेको थियो ।
यो विषयमा आफ्नो प्रतिक्रिया दिनुहोस् !